“Krokus ltd” yaxın vaxtlarda Bakıda tütün məmulatı istehsal edəcək. Bunun üçün “European Tobacco-Baku” ASC-nin ərazisində yer icarəyə götürülüb, deyə Kənd Təsərrüfatı Nazirliyində Turan-a bildiriblər.
Hələlik müəssisədə təcrübi işlər görülür. Siqaret markalarının adı çəkilmir. Qanunvericiliyə əsasən, şirkət ildə ən azı 300 mln filtrli siqaret buraxacaq.
“Krokus ltd” MMC Azərbaycana 3 siqaret idxalçısından biridir. Şirkət 2004-cü ildə Bakıda qeydiyyata alınıb. Baş ofisi Dərnəgül şossesindədir.
“Krokus ltd” Araz Ağalarova məxsus “Crocus International” (Rusiya) qrupunun törəməsidir. Prezident İlham Əliyevin qızı Leyla Əliyeva Araz Ağalarovun gəlinidir.
2006-2010-cu illərdə bu qrup Bakıda bir neçə şirkət açıb. Şirkətin Azərbaycandakı layihələrindən biri Nardarandakı “Sea Breeze Resideces & Hotel”dir. Sea Breeze 46 ha sahə tutur. SEA BREEZE strukturuna apart-hotel (5000 m2) 2,6 ha (32 nömrə, 3, 4, 5 mərtəbəli 83-685 m2 apartamentlər), 60 kottec (200-350 m2), 1,2 km-lik (13 hа) çimərlik, yaxta və katerlər üçün pirs, qapalı idman klubu (1 000 m2), daxili hövuz (108 m2), saunalar, açıq hovuz (270 m2), tennis kortu (600 m2), futbol sahəsi (600 m2), uşaq şəhərciyi və s daxildir. 08B
İqtisadiyyat
-
11 yanvar tarixində Serbiya Prezidenti Aleksandar Vuçiç Azərbaycanın Serbiyaya Şahdəniz yatağında texniki problemlər səbəbilə gündəlik 1,7 milyon kubmetr qaz tədarükünün dayandırılması barədə bildiriş göndərdiyini açıqlayıb.
-
Türkiyənin Aksa Doğalgaz şirkəti, Kazancı Holdinqin bir hissəsi olaraq, Bursagaz və Kayserigaz qazpaylayıcı şirkətlərini almaq üzrə müqavilə prosesinin tamamlandığını elan edib. Bu şirkətlər 2019-cu ildən etibarən SOCAR Türkiye Energy AS-in (STEAS) tərkibində fəaliyyət göstərirdi, deyə Aksa Doğalgaz məlumat verib.
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
Rəy yaz