![ARDNF Azərbaycanin ixrac boru kəmərlərinin tikintisinin donorlarindan biri olacaq](https://turan.az/resized/media/2013/main/022800030068-750-500-resize.webp)
ARDNF Azərbaycanin ixrac boru kəmərlərinin tikintisinin donorlarindan biri olacaq
Dövlət Neft Fondu Transanadolu kəmərində dövlətin payının maliyyələşməsinə hazırlaşır, həmçinin Nabucco West və ya Transadriatik qaz kəmərini də maliyyələşdirə bilər. Bu barədə "New Europe" saytında ARDNF icraçı direktoru Şahmar Mövsümova istinadən bildirilir.
"TANAP layihəsində dövlətin payının maliyyələşməsinə hazırlaşırıq. Bu məsələnin müzakirəsi ilkin mərhələdədir. Hələlik pay həcmi, layihənin qiyməti və başqa detallar dəqiq deyil", - deyə Mövsümov bildirib.
"ARDNF-nin TAP və ya Nabucco layihələrinin maliyyələşməsində iştirak ehtimalı varmı?" sualına cavab olaraq Mövsümov deyib ki, "potensial olaraq, hə. Amma hələ bunlar söhbətdir. Konkret heç nə yoxdur".
"Cənub axını" və "Cənub qaz dəhlizi"nin rəqabəti ilə bağlı Mövsümov qeyd edib ki, Avropa bazarı genişdir, qaza tələbat yetərincə olacaq. Ona görə bu layihələr arasında rəqabət görmür.
Onun sözlərinə görə, Azərbaycanın zəngin qaz ehtiyatları var. Onu çıxarmaq üçün qazma işləri lazımdır. Amma ölkədəki 3 üzən qazma qurğusu bu resursları işləmək üçün kifayət etmir. Ona görə 2013-cü ildə ARDNF yeni qazma qurğusunun tikintisini maliyyələşdirəcək. İri beynəlxalq şirkətlər ondan istifadə etməkdə maraqlıdır.
İri həcmdə qaz nəqli üçün etibarlı nəqliyyat infrastrukturu lazımdır. Buraxılış gücü ilkin mərhələdə ildə 16 mlrd m3, sonradan genişlənmə imkanı 30 mlrd m3 olan TANAP belə sistemdir. Gələcəkdə bu marşrutla Xəzərin şərq sahilindən də qaz nəql etmək planlaşdırılır.
TANAP Avropanın irəli sürdüyü və Azərbaycanın dəstəklədiyi "Cənub qaz dəhlizi"nin əsası olacaq. Hazırda Azərbaycan qazını Avropaya nəql etmək üçün müxtəlif variantlara baxılır. TAP və Nabucco layihələri bunların sırasındadır. Yekun qərar 2013-cü ilin ortalarında veriləcək.
* ARDNF-nin 2013-cü il büdcəsində Azərbaycanın (daha dəqiqi ARDNŞ-nin - red.) TANAP layihəsindəki payının maliyyələşməsinə 86,35 mln manat ayrılıb. --0--
-
- Söz istəyirəm
- 28 Fevral 2013 10:13
-
- İqtisadiyyat
- 28 Fevral 2013 10:26
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz