ARDNF Londonda 177 mln. funt dəyərində daşınmaz əmlak alıb
Azərbaycan Dövlət Neft Fondu (ARDNF) dekabrın 17-də Londonda daşınmaz əmlak alındığını elan edib. Belə ki, 177. 350 mln. funta ARDNF Vest-Enddə Sent-Ceyms 78 ünvanında ofis kompleksi alıb.
Sent-Ceyms Londonun məşhur eksklüziv daşınmaz əmlak yeridir. Bina 1845-ci ildə tikilib və 2003-cü ildə təmir edilib, “A” sinfi ofis binalarına uyğundur, deyə ARDNF-nin məlumatında bildirilir.
Ofisin ümumi sahəsi 11 018 kv metr təşkil edir və 2023-cü ilədək HSBC Bank-ın icarəsindədir. İllik icarə gəliri 9650 min funt, xalis başlanğıc gəliri illik 4,5% təşkil edir, deyə ARDNF icraçı direktoru Şahmar Mövsümov bildirib.
1 dekabr 2012-ci ilə olan məlumata görə, ARDNF aktivləri 33,8 mlrd. dollardan çox təşkil edib. Bu əmlakın alınması prezidentin 27 oktyabr 2011-ci il tarixli ARDNF aktivlərinin idarə edilməsi qaydalarına dəyişikliklər haqqında fərmanına uyğun olaraq həyata keçirilib. Belə ki, hər bir maliyyə aləti üçün maksimum limit 5% olmaqla, investisiya portfelinin ümumi dəyərinin 5%-i qızıla, aksiyaya və daşınmaz əmlaka yatırıla bilər. -0-
-
- Siyasət
- 17 Dekabr 2012 17:45
İqtisadiyyat
-
Azərbaycan, hal-hazırda ümumi enerji istehsalında 14.4% təşkil edən bərpa olunan enerji mənbələrindən əldə olunan elektrik enerjisinin payını əhəmiyyətli dərəcədə artırmağa hazırlaşır, deyə İqtisadiyyat Naziri müavini Səməd Başırlı cümə axşamı Bakı şəhərində keçirilən İqtisadi Əməkdaşlıq Təşkilatı (İƏT) Think Tanklar Forumu zamanı bəyan etdi.
-
Azərbaycan, tullantıların təkrar emalını artırmaq və davamlı inkişafı təşviq etmək məqsədilə pyroliz yağı istehsal layihəsini həyata keçirmək üçün italyan enerji şirkəti Technip Energies SpA ilə tərəfdaşlığa daxil olub, rəsmilər çərçivəsində məlumat verildi.
-
Oktyabrın 3-də Əsədovun Minskə rəsmi səfəri çərçivəsində Belarusun Baş naziri Roman Qolovçenko ilə Azərbaycanın Baş naziri Əli Əsədov arasında aparılmış danışıqlardan sonra çərşənbə axşamı Belarus və Azərbaycan arasında bir sıra əməkdaşlıq sazişləri imzalanıb.
-
Azərbaycanın dövlət borcları artmaqda davam edir, baxmayaraq ki, ölkə hələ də qlobal neft qiymətlərinin yüksək olmasından faydalanır. Azərbaycan Maliyyə Nazirliyinin məlumatına görə, 2024-cü ilin ilk yarısına olan vəziyyətə əsasən, ölkənin dövlət borcu 25 milyard manat təşkil edib ki, bu da Ümumi Daxili Məhsulun (ÜDM) 21%-nə bərabərdir.
Rəy yaz