Bazar ertəsi Brüsseldə Aİ-Azərbaycan Əməkdaşlıq Şurasının 13-cü iclası keçirilib. İclasda Azərbaycan nümayəndə heyətinə XİN rəhbəri Elmar Məmmədyarov rəhbərlik edib.
Aİ nümayəndə heyətinə hazırda təşkilata sədrlik edən Kiprin XİN rəhbəri Erato Kozaku-Markulis və genişlənmə və Avropa qonşuluq siyasəti üzrə komissar Ştefan Füle rəhbərlik ediblər.
Azərbaycan XİN mətbuat xidmətinin verdiyi məlumata görə, Avropa qonşuluq siyasəti çərçivəsində və Şərq Tərəfdaşlığı formatında əməkdaşlığın perspektivləri müzakirə edilib.
Tərəflər danışıqlarda Assosiativ saziş imzalanması üzrə danışıqlarda irəliləyişi alqışlayıblar.
Viza rejiminin sadələşdirilməsi və readmissiya haqqında danışıqların davam etdirildiyi qeyd edilib və ən qısa zamanda bu prosesin tamamlanacağına ümid ifadə olunub.
Energetika sahəsində əməkdaşlığa toxunan Aİ nümayəndələri Cənubi Qaz Dəhlizi və TANAP layihəsinin həyata keçirilməsində Azərbaycanın əhəmiyyətini qeyd ediblər. Bakı-Tbilisi-Qars dəmir yolunun təkcə Cənubi Qafqaz üçün deyil, həm də Mərkəzi Asiya və Əfqanıstan üçün əhəmiyyəti qeyd edilib. -06D-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz