Azərbaycan Respublikası Dövlət Neft Fondu “Paytaxt sığorta qrupundan” 133 milyon dollara “Tverski, 16” şirkətinin səhmlərinin 100%-ni alıb. Moskvada Puşkin meydanındakı “Qalereya Akter” ticarət-ofis mərkəzi bu şirkətə məxsusdur. Bu barədə satıcı tərəfindən sövdələşməni müşaiyət edən Cushman & Wakefield şirkətinin məlumatında deyilir.
ARDNF üçün “Qalereya Akter” Moskvada paytaxtın nüfuzlu elit daşınmaz əmlak obyektlərindən biri olan ilk aktiv olub.
Tverski küçəsi və Strastnı bulvar-ın kəsişməsində yerləşən binanın ümumi sahəsi 18 min kvadrat metrdən çoxdur (ticarət zonası 5800 kv, ofislər 12,2 min kv. m).
Bina 1882-ci ildə tikilib, sovet dövründə orada Ümumrusiya Teatr Cəmiyyəti, Aktyorlar evi və eyniadlı restoran yerləşirdi. 1990-cı ildə binaya yanğından güclü ziyan dəyib, amma 1995-ci ildə onun bərpası həyata keçirilib. Bərpa işləri zamanı daxili həyətdə ofis hissəsi tikilib.
Xatırladaq ki, bir müddət əvvəl ARDNF Londonda və Parisdə analoji səviyyəli daşınmaz əmlak alıb. ARDNF nümayəndəsinin sözlərinə görə, dünya biznes mərkəzlərində daşınmaz əmlak alınması davam edəcək.
Bu gün ARDNF aktivləri 33 mlrd. dollardan çoxdur. -02D-
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz