Jurnalist İlqar Nəsibov 6 saat dindirilib

Naxçıvan Muxtar Respublikasının Sədərək rayon prokurorluğunda jurnalist İlqar Nəsibovun dindirilməsi 6 saata yaxın davam edib.

“Məndən həbs edilmiş sahibkar Nadir Məmmədovun etirafı ilə bağlı izahat tələb ediblər”, deyə jurnalist Turan-a bildirib.

Hakimiyyətə müqavimət göstərmək ittihamı ilə həbs edilmiş bu sahibkar işgəncə altında gömrük orqanları əməkdaşları ilə münaqişəyə jurnalistlər İlqar Nəsibov və Elman Abbasov tərəfindən təşviq edildiyi barədə ifadə verib.

“Lakin mən müstəntiqlərə xatırlatdım ki, sahibkarın vəkili Xalid Bağırov dünən müştərisinin müntəzəm olaraq işgəncələrə məruz qoyulduğunu və etirafları məhz zorakılıq nəticəsində etdiyini bildirib”, deyə jurnalist qeyd edib. Vəkilin bu fikri cinayət işində var.

Lakin prokurorlar işdə belə bir etiraf olduğunu etiraf etməkdən imtina ediblər.

Jurnalistin sözlərinə görə, prokurorluq müstəntiqləri onu kifayət qədər uzun dindiriblər, daim harayasa çıxıb, xüsusi olaraq Sədərəyə gələn Naxçıvanın baş prokuroru ilə məsləhətləşirdilər. 

Hazırda müstəntiqlər ikinci jurnalist Elman Abbasovun dindirilməsini davam etdirirlər. -02В-