Azərbaycan Respublikasının Dövlət Neft Fondu 1 ton qızılı (32 150 troy unsiyası) Azərbaycana gətirib və müvəqqəti saxlanılmaq üçün Azərbaycan Respublikası Mərkəzi Bankında yerləşdirib. Bununla da Neft Fondu tərəfindən ölkəyə gətirilmiş qızılın ümumi miqdarı təxminən 3 tona (96 450 troya unsiyası) çatdırılıb.
Fondun məlumatında deyilir ki, 1 mart 2013-cü il üçün ARDNF-nin investisiya portfelinə daxil edilmiş qızılın ümumi miqdarı 17 422 kq (560 145 troya unsiyası) təşkil edir.
Ötən il fevralın 1-dən London Qiymətli Metallar Bazarı İştirakçıları olan banklardan qızıl külçə (həftədə 10 min unsiya) alınır.
ARDNF-nin investisiya siyasətinə əsasən, investisiya portfelinin məcmu dəyərinin 5 %-ə qədəri qızıla investisiya edilə bilər. --15D--
İqtisadiyyat
-
2024-cü ildə Azərbaycanda sürətlə genişlənən müəssisələrin, xüsusilə sürətlə böyüyən qeyri-neft sektorunda əhəmiyyətli artımı müşahidə olunub. Hökumət iqtisadi diversifikasiyanı prioritet etdikcə, mədənçilik, logistika, kənd təsərrüfatı və istehsal kimi sahələrdə fəaliyyət göstərən şirkətlər iqtisadi irəliləyişin əsas hərəkətverici qüvvələrinə çevrilib.
-
Azərbaycan Respublikası Dövlət Neft Fondu (ARDNF) 2024-cü ildə Azəri-Çıraq-Günəşli (AÇG) neft yataqlarından əldə olunan gəlirlərin 10,7% azalaraq ötən ilə nisbətən 740,7 milyon dollar az olduğunu açıqlayıb. ARDNF-nin məlumatına görə, AÇG-dən 2024-cü ilin əvvəlindən yanvarın 1-dək ümumi gəlir 6,16 milyard dollar təşkil edib ki, bu da 2023-cü ilin eyni dövründəki 6,89 milyard dollar ilə müqayisədə azalma göstərir.
-
Azərbaycan Yerüstü Nəqliyyat Agentliyi (AYNA) 2024-cü ildə təhlükəsizliyin, dayanıqlılığın və xidmət keyfiyyətinin artırılmasına yönəlmiş genişmiqyaslı nəqliyyat islahatları çərçivəsində taksilərin orta yaşını 15-dən 7 ilə endirib.
-
Azərbaycanın Xüsusi Rabitə və İnformasiya Təhlükəsizliyi Dövlət Xidməti (XRİTDX) 2024-cü ildə dövlət qurumlarının 857 informasiya resursunda təhlükəsizlik boşluqlarını aşkarlayıb ki, bu da 2023-cü illə müqayisədə 23%-lik artımı göstərir. Bu həftə açıqlanan rəsmi məlumatlara əsasən, boşluqlar ciddi narahatlıq doğurur.
Rəy yaz