![Fitch ARDNŞ-nin dollar istiqrazlarına «BBB-(EXP)» reytinqi verib](https://turan.az/resized/media/2013/main/030400030570-750-500-resize.webp)
«Fitch Ratings» beynəlxalq reytinq agentliyi Azərbaycan Dövlət Neft Şirkətinin (ARDNŞ) ABŞ dollarında təmin edilməmiş istiqrazlarının planlaşdırılan buraxılışa «BBB-(EXP)» səviyyəsində ilkin reytinq verib.
Final reytinq buraxılış üzrə son sənədlər alındıqdan və buraxılışın həcmi, faiz dərəcəsi və tədavül müddəti üzrə məlumatlar əldə edildikdən sonra veriləcək. İstiqrazların yerləşdirilməsindən əldə edilən vəsaitlər şirkətin kapital qoyuluşlarına və digər ümumi koprorativ məqsədlərə yönəldiləcək.
ARDNŞ istiqraz emissiyasını baş şirkət səviyyəsində həyata keçirməyi planlaşdırır. Qrupun 2012-ci il iyunun 30-a borcunun yarısından çoxu törəmə şirkətlərin səviyyəsində olsa da, hazırda “Fitch” törəmə şirkətlərdən gəlirlərin aşağı məbləğini nəzərə alaraq prioritet təmin olunmamış borc verənləri struktur subordinar qrup səviyyəsində müzakirə etmir. Məsələn, törəmə şirkətlər arasında “SOCAR Turkey Enerji A.S.” əsas borclu kimi qalır. 2012-ci il iyunun 30-na onun payına bütün ödənilməmiş borcun 31%-i düşüb. Lakin bu struktur 2012-ci ilin birinci yarısında mənfi 56 mln manat səviyyəsində mənfi EBİT göstəricisinə malik olub.
Bundan başqa, “Fitch” Azərbaycanda törəmə şirkətlərin borcunu saxlayanlar üçün aktivlərin qaytarılmasının güclü perspektivlərini görmür və ləğvedilmə zamanı digər prioritet təmin olunmamış borc verənlərə təsir edəcək qədər mühüm olacaq xarici törəmə strukturlar səviyyəsində aktivlərin qaytarılmasının olacağına ümid etmir. Bu səbəbdən “Fitch” istiqrazlara ARDNŞ-nin emitentinin defolt reytinqi ilə eyni səviyyədə gözlənilən prioritet təmin olunmamış reytinq verib.
Verilən reytinq dövlət tərəfindən dəstəyi nəzərə alır və Azərbaycanın suveren reytinqi ilə eyni səviyyədədir. ARDNŞ tam şəkildə dövlətə məxsusdur və neft-qaz sahəsində dövləti təmsil edir. Şirkət dövlətdən kapitala əlavə daxilolmalar alır ki, bunlar 2011-ci ildə 190 mln. manat, 2012-ci ildə isə 200 mln. manat təşkil edib, halbuki 2012-ci il üçün nəzərdə tutulan bu daxilolma hələ həyata keçirilməyib.
Fitch ARDNŞ-nin biznes və maliyyə göstəricilərini «BВ» reytinq kateqoriyasına uyğun hesab edir. ARDNŞ 2011-ci ildə 263 min barel neft ekvivalenti həcmində sutkalıq hasilat göstəricisi məhdud miqyasa malikdir, lakin əsas PSA müqavilələri çərçivəsində hasilatın artması hesabına şirkət üzrə ümumi hasilatın artımı gözlənilir. Bir halda ki, ARDNŞ köhnə neft və qaz yataqlarını istifadə edir, onun hasilat üçün xərcləri Rusiya şirkətləri ilə müqyisədə yüksəkdir.
“Fitch” 2011-ci ildə ARDNŞ-ın “Şahdəniz” yatağının işlənməsinə dair “Mərhələ-2” üzrə imzaladığı sazişi müsbət qiymətləndirir. Saziş Türkiyəyə qaz satışı və onun Avropa bazarlarına tranzitini nizamlayır. Hazırda şirkət bu tranziti 2017-ci ilə planlaşdırır, bu isə layihənin reallşadırılmasını möhkəmləndirməlidir.
Verilən reytinq ARDNŞ-nin 2012-2015-ci illər üçün və həcmi 5,3 mlrd dollar olan investisiya proqramını da nəzərə alır. Bundan başqa, qrup Türkiyədə istehsal gücü 10 mln ton olan STAR neft emalı zavodunun tikintisini planlaşdırır. Tikinti işləri 2017-ci ildə başa çatacaq.
Fitch-in proqnozuna görə, FFO üzrə korrektə edilmiş leverec 2012-ci ildə 2-dən aşağı olub, 2013-də 2-i keçəcək..
Reytinqin gələcəkdə dəyişmə ehtimalına gəlincə, bildirilir ki, dövlət dəstəyinin azalması, kredit qabiliyyətinin enməsinə səbəb ola biləcək yeni aktivlərin alınması kimi amillər reytinqin aşağı salınmasına səbəb ola bilər.
Agentlik bildirir ki, 2012-ci il iyunun 30-a ARDNŞ-ın pul vəsaitlərinin həcmi 1 mlrd 6 mln manat olub. Bu, həmin tarixə 656 mln manat həcmində olan qısamüddətli ödəmələri nəzərdə tutan borcların ödənilməsi üçün yetərli olub. ARDNŞ-nin pul vəsaitlərinin əsas hissəsi dövlətə məxsus olan Azərbaycan Beynəlxalq Bankında yerləşdirilib.
“Fitch” qeyd edir ki, 2013-cü ildə ARDNŞ $727 mln-a ekvivalent məbləğ ödəməli və ya bu məbləği təkrar maliyyələşdirməlidir. Bundan sonra isə 2017-ci ilə qədər istiqrazlar üzrə illik ödənişlərin həcmi $400 mln-dan artıq olmayacaq.
2012-ci il iyunun 30-a ARDNŞ-nin borcunun 74%-i, 2017-ci ildə ödəniləcək $500 mln məbləğində istiqrazlar daxil olmaqla ABŞ dollarında ifadə olunub. --15D--
Rəy yaz