![ARDNŞ Gürcüstanda karbamid zavodu tikintisinə 2013-cü ildə başlayacaq](https://turan.az/resized/media/2012/main/082800008918-750-500-resize.webp)
ARDNŞ Gürcüstanda karbamid zavodu tikintisinə 2013-cü ildə başlayacaq
Azərbaycan Dövlət Neft Şirkəti Gürcüstanın İqtisadiyyat Nazirliyinin ARDNŞ-nin karbamid zavodu tikəcəyi zonaya “azad sənaye zonası” statusu verməsini gözləyir. Bu barədə Gürcüstanın “Kommersant” radiosu ARDNŞ-nin Gürcüstan təmsilçilərinə istinadən məlumat verib.
Şirkət artıq Gürcüstan rəhbərliyinə müraciət edib və bu il status əldə ediləcəyini gözləyir. Bu, gələcək zavodun ərazisində infrastruktur yaradıb tikinti işlərinə başlamaq imkanı verər.
ARDNŞ-nin zavodunun tikintisinə 2013-cü ildə başlanılacaq. O, Gürcüstanın Qara dəniz sahillərində Poti ilə Kulevi limanları arasında yerləşəcək. Layihəyə əsasən, iki identik zavod tikiləcək – biri Azərbaycanda, digəri Gürcüstanda.
Azərbaycanda karbamid zavodu Sumqayıtda tikilir və gücü ildə 700 min ton olacaq. Ölkənin tələbatı ödəniləndən sonra məhsulun bir hissəsi Qara dəniz bazarına ixrac ediləcək. Gürcüstanda tikilən zavodda istehsal edilən məhsul həcmi də nəzərə alınsa, ARDNŞ Qara dəniz bazarına 1 mln ton karbamid ixrac etmək niyyətindədir. --0--
-
- İqtisadiyyat
- 28 Avqust 2012 12:40
-
- İqtisadiyyat
- 28 Avqust 2012 13:03
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz