Avqustun 27-də Azərbaycan Respublikasının Qiymətli Kağızlar üzrə Dövlət Komitəsi tərəfindən "MERCURY İNVESTMENT AND HOLDİNGS LTD" şirkətinin faizli sənədsiz adlı təmin edilməmiş istiqrazları dövlət qeydiyyatına alınıb. Ümumi emissiya həcmi $200 mln-dır.
QKDK-da Turan-a deyiblər ki, "MERCURY İNVESTMENT AND HOLDİNGS LTD" şirkəti Men adasında qeydiyyata alınmış hüquqi şəxsdir. İstiqrazlar 2027-ci ildə ödəniləcək. Amma QKDK-da cəlb edilən vəsaitin hansı layihə üçün olduğunu dəqiqləşdirməyiblər.
Turan agentliyi müəyyən edib ki, "MERCURY İNVESTMENT AND HOLDİNGS LTD" 2005-ci ildə təsis edilib. Maraqlıdır ki, Men adasında Azərbaycan və Cənubi Qafqazda ən böyük “Baku Steel Company” MMC poladəritmə müəssisəsi qeydiyyata alınıb. BSC bu yaxınlarda elan edib ki, Hövsan qəsəbəsində gücü 1 mln ton olan yeni metallurgiya kompleksi tikir. Bəlkə, "MERCURY İNVESTMENT AND HOLDİNGS LTD"nin istiqraz emissiyası bu layihə üçündür.
Qeyd edək ki, iyulun 27-də QKDK Bakı Gəmiqayırma Zavodunun ümumi həcmi $310 mln olan korporativ istiqraz emissiyasını qeydiyyata alıb. --08B—
İqtisadiyyat
-
Şimali Makedoniya Prezidenti Gordana Silyanovska-Davkova Bakıya səfəri çərçivəsində Azərbaycan Dövlət Neft Şirkəti SOCAR və Şimali Makedoniyanın ECM şirkəti cümə axşamı əməkdaşlıq haqqında memorandum imzaladılar, Turan-a məlumatlı mənbə bildirdi.
-
Bugünlərdə Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində "Pambıqdan geyimə dəyər zəncirinin karbonsuzlaşdırılması və iqlimə uyğunlaşdırılması" mövzusunda müzakirələr keçirilib. Orada digər məsələlərlə yanaşı, Azərbaycanda pambıqçılığın vəziyyəti də müzakirə olunub.
-
Azərbaycan, inkişaf edən və inkişaf etmiş ölkələrdən, habelə azı 10 ölkənin dövlət və özəl sektor nümayəndələrindən, ümumi büdcəsi 1 milyard ABŞ dolları olan İqlim Maliyyə Fəaliyyət Fondu (CFAF) üzrə səhmdar kimi iştirakla bağlı əhəmiyyətli maraq cəlb edib. CFAF Azərbaycanın COP29-da təqdim etdiyi 14 əsas təşəbbüsdən biridir, bunu Azərbaycan Respublikasının COP29 üzrə baş danışıqlar aparıcısı və xarici işlər nazirinin müavini Yalçın Rəfiyev çərşənbə axşamı mətbuat konfransında bildirib.
-
Azərbaycan hökuməti OPEC Fonduna bir sıra bərpa olunan enerji layihələrinin, o cümlədən dəniz külək enerjisinin inkişafı, "yaşıl enerji dəhlizi" təşəbbüsləri və SOCAR-ın Birləşmiş Ərəb Əmirliklərindən Masdar şirkəti ilə birgə həyata keçirməyi planlaşdırdığı 1 QVt gücündə layihənin maliyyələşdirilməsində iştirak etməyi təklif edib.
Rəy yaz