Paytaxtın avtomobil yollları şəbəkəsinə bir sahə də əlavə olunub. Bu barədə “Azəryolservis” ASC-nin mətbuat katibi Pünhan Mürsəliyev məlumat verib.
Onun sözlərinə görə, şəhər şosesinin Sabunçu qovşağından Zabrat dairəsinə qədər olan sahəsi avtomobil hərəkəti üçün açılıb. Əsaslı təmir aparılan yolun uzunluğu 6,5 km-dir. Yol genişləndirilərək 6 zolaqlıya çatdırılıb. Babək küçəsində 18 metrdən 22 metrədək genişləndirilən 200-250 metr hissənin asfalt-beton örtüyü ilə çəkilməsi işləri qalıb. Bu işlər də yaxın 2-3 günə başa çatdırılacaq, deyə Mürsəliyev məlumat verib.
Tədris ili başlayana kimi Neftçilər prospektində təmir işləri başa çatacaq. Hazırda kommunikasiya xətləri təzələnir. Bu prospekt "Dalga Plaza"dan Y. Səfərov küçəsinə kimi əsaslı təmir ediləcək.
“Azəryolservis” ASC 18986 km avtomobil yolunun 17513 km-ə xidmət edir. Bunun 4366 km-i respublika, 13147 km-i yerli əhəmiyyətlidir.
Bakı ərazisində prospekt və küçələrin ümumi uzunluğu 1525 km-dir. --17D-
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz