Gürcüstan baş nazirinin müavini, energetika və təbii ehtiyatlar naziri Kaxi Kaladze Gürcüstandakı dini konfessiya obyektlərinə bir il təmənnasız olaraq təbii qaz verilməsi qərarına görə təşəkkür edib, deyə “Qruziya-Online” bildirir.
Memorandumu oktyabrın 19-da Gürcüstanın Patriarxı Katolikos II İlya və ARDNŞ-nin prezidenti Rövnəq Abdullayev imzalayıb.
"Bu gün çox vacib gündür. İmzalanan memorandum Gürcüstanda bütün dini konfessiya obyektlərinə bir il təmənnasız olaraq təbii qaz verilməsini nəzərdə tutur. Gələcəkdə əməkdaşlığın davamı istisna edilmir", - deyə Kaladze bildirib.
ARDNŞ rəhbəri bildirib ki, təklif Gürvüstanın Energetika Nazirliyindən gəlib və şirkət razılıq verib. –0--
İqtisadiyyat
-
Azərbaycanın ADY Express şirkəti, "Azərbaycan Dəmir Yolları" QSC-nin törəmə müəssisəsi, Türkiyənin İstanbul şəhərində keçirilən Logitrans Türkiye 2024 sərgisi çərçivəsində Orta Dəhliz boyunca yükdaşıma xidmətlərinin genişləndirilməsi öhdəliyini təsdiqləyən bir sıra strateji sazişlər imzalayıb.
-
Azərbaycan qarşıdakı 4-5 il ərzində ümumi gücü 350 MVt olan ən müasir yaşıl enerji saxlama obyektləri yaratmağı planlaşdırır. Bu barədə Turan-a məlumatlı mənbə Energetika Nazirliyindən bildirib.
-
Xəzər qaz-kondensat "Abşeron" layihəsinin səhmdarları dekabr ayında tammiqyaslı inkişaf üçün əsas olan Front End Engineering Design (FEED) sənədini təsdiqləməyi planlaşdırırlar, bu barədə məlumatlı mənbə Turan-a bildirib.
-
2024-cü ildə Avropa Azərbaycandan təxminən 12,5 milyard kubmetr qaz alacaq və alıcı ölkələrin sayı 12-yə çatacaq. Cümə günü İstanbulda keçirilən enerji forumunda SOCAR-ın prezidenti Rövşən Nəcəf dekabr ayında 12-ci, yeni qaz alıcısı ilə əməkdaşlığın başlayacağını elan etdi.
Rəy yaz