ARDNŞ H.Əliyev adına NEZ-də yenidənqurmaya başlayıb

ARDNŞ H.Əliyev adına NEZ-də yenidənqurmaya başlayıb.

«Məqsəd avro-5” standartlarının tətbiqi ilə bağlı tədbirlərin sürətləndirilməsidir», deyə məlumatda bildirilir. .

Müvafiq proqrama əsasən, zavodun ЕD-АV-6, kаtаlitik krekinq qurğularında bir sıra modernləşdirmə işlərinin aparılması nəzərdə tutulub.

İtaliyanın Foster Wheller firması tərəfindən 21 nömrəli ED-AV-6 qurğusunun məhsuldarlığının ildə 7,5 milyon tona çatdırılması və qurğunun daxili istilik potensialından daha səmərəli istifadə edilməsi, ABŞ-ın UOP firması tərəfindən 55 nömrəli katalitik krekinq qurğusunun məhsuldarlığının ildə 2,5 milyon tona çatdırılması istiqamətində layihələndirmə başlanılıb.

“Eyni zamanda, ildə 100 min ton polietilen, 150 min ton polipropilen məhsulunun istehsalı üçün “Аzərikimya” İstehsalat Birliyinin xammalla təmin edilməsi diqqət mərkəzində saxlanılan məsələlərdəndir”, - deyə xəbərdə bildirilir. ARDNŞ-nin məlumatına görə, 2018-2019-cu illərdə izomerləşmə, МТБЕ, ekoloji mühitin yaxşılaşdırılmasında mühüm rol oynayan, mayeləşdirilmiş qazların və katalitik krekinq qurğusunun benzin faraksiyalarının kükürdlü birləşmələrdən təmizlənməsi üçün UOP və digər firmaların texnologiyaları əsasında qurğuların tikintisi də nəzərdə tutulub.

H.Əliyev adına NEZ Azərbaycanda yeganə NEZ-dir. 1 yanvar 2015-ci ildən ləğv edilən “Azərneftyağ” onun tərkibinə daxil edilib. —12D—