Böyük Britaniyada qeydiyyatdan keçən Caspian Energy International Media Group şirkəti dövlət və transmilli neft-qaz şirkətlərinin reytinqini tərtib etmək üçün qlobal tədqiqata başlayır.
Xəzər-Avropa İnteqrasiya İşgüzar Klubunun press-relizində deyilir ki, ilk tədqiqat ARDNŞ-yə həsr ediləcək və oraya əhali arasında sosioloji sorğu və ekspert sorğusu, eləcə də Caspian Energy abunəçiləri arasında 50 ölkədə sorğu daxil ediləcək.
Sorğu ARDNŞ-nin iştirak etdiyi bütün ölkələrdə, eləcə də şirkətin iri miqyaslı layihələr həyata keçirmək istədiyi ölkələrdə planlaşdırılır.
"Tədqiqat çərçivəsində ARDNŞ-nin neft-qaz, sosial, ekoloji, iqtisadi, beynəlxalq və başqa sahələrdə fəaliyyətində ARDNŞ ilə əməkdaşlıq edən podratçı və subpodratçıların rastlaşdığı müsbət və mənfi cəhətlər öyrəniləcək. Həmçinin şirkətin IPO-ya çıxış imkanı təhlil ediləcək", -deyə relizdə bildirilir.
Tədqiqat 3 sentyabr 2012-ci ildən 3 iyun 2013-cü ilə kimi davam edəcək, nəticələr hər ay abunə şəklində iki formada təqdim olunacaq: ekslüziv və standart.--12D—
İqtisadiyyat
-
Azərbaycan hökuməti sənaye və kənd təsərrüfatı zonalarına investisiyaları cəlb etmək səylərini artırır. 2023-cü ildə İqtisadi Zonaların İnkişafı Agentliyi (İZİA) 31 yeni sahibkarlıq subyektinə rezident statusu, bir sahibkara isə qeyri-rezident statusu verib. Bu, ölkənin post-münaqişə bölgələrində və digər ərazilərində iqtisadi inkişafı sürətləndirmək istiqamətində yeni mərhələ hesab olunur.
-
Azərbaycan Dövlət Neft Şirkəti (SOCAR) beynəlxalq miqyasda üst axın (upstream) əməliyyatlarını genişləndirərək, qlobal portfelində strateji dəyişiklik həyata keçirir. Şirkətin İsrailin Tamar qaz yatağında 10%-lik və Abu-Dabidəki SARB və Umm Lulu dəniz neft layihələrində 3%-lik pay əldə etməsi, SOCAR-ın Azərbaycan sərhədlərindən kənardakı ambisiyalarının artdığını göstərir.
-
BP 2025-ci ildə Azəri-Çıraq-Günəşli (AÇG) yatağında 19 quyu qazmağı planlaşdırır və bununla da 2024-cü ildəki qazma fəaliyyətini eyni səviyyədə saxlayacaq. Bu barədə çərşənbə axşamı şirkətin yüksək vəzifəli nümayəndəsi məlumat verib.
-
Beynəlxalq Buruqçular Podratçılar Assosiasiyası (IADC) çərşənbə axşamı Bakıda illik "IADC Drilling Caspian" konfransına start verdi. Sənaye liderlərini bir araya gətirən tədbir neft və qaz yataqlarının qazılması sahəsində yeniliklər, eləcə də geotermal enerjinin artan rolu mövzusunda müzakirələrə həsr olunub.
Rəy yaz