Dövlət Neft Şirkətinin Türkiyədəki neft emalı zavodu 2017-ci ilin sonunda istismara veriləcək. Bu barədə Dövlət Neft Şirkətinin saytında yerləşdirilən məlumatda deyilir. Əvvəllər zavodun 2018-ci ilin birinci rübündə istismara veriləcəyi bildirilmişdi.
"2017-ci ilin sonunda istismara verilməsi planlaşdırılan neft emalı zavodu Türkiyə iqtisadiyyatının cari əməliyyatlar kəsiri probleminin həllinə minimum 2,5 milyard dollarlıq fayda verəcək", deyə məlumatda bildirilir:
Layihənin ümumi qiyməti $5,7 milyarddır. Bu məbləğin 3,29 milyard dolları maliyyələşdirmə krediti ilə gerçəkləşdiriləcək. 2014-cü il iyulun 6-da İstanbulda STAR NEZ-in tikintisi çərçivəsində 23 maliyyə institutu tərəfindən 3,29 milyard dollarlıq kredit sazişi imzalanıb.
Starın illik nafta istehsalı həcmi 1,66 mln ton olacaq. NEZ-də həmçinin 5,95 mln ton dizel yanacağı, 500 min ton aviakerosin, 500 min ton reformat, 630 min ton neft koksu, 240 min ton maye qaz, 415 min ton qarışıq ksilol, 145 min ton kükürd istehsal ediləcək. NEZ benzin və mazut istehsal etməyəcək.
Zavodda Azeri Light, Kərkuk və Urals nefti emal olunacaq.—0--
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz