ARDNŞ-nin qapalılığı EITI-nin çoxlu ifşalarına səbəb ola bilər

Cümə günü Mədən sənayesində şəffaflığın gücləndirilməsi üzrə QHT koalisiyasının 2013-cü il üzrə yekun konfransı keçirilib. 

Azərbaycan üzrə çoxtərəfli qrupun birgə fəaliyyəti barədə Me moranduma düzəlişlər hazır olmaq üzrədir. Qrupa QHT-lər, məmurlar, ARDNŞ və ARDNF təmsilçiləri daxildir. QHT koalisiyasının yekun konfransında qeyd edilib ki, yalnız hesabatlarda faydalı qazıntıların hansı növlərinin mütləq əksini tapacağı barədə hökumətlə razılaşmaq məsələsi qalıb.. 

Azad İqtisadiyyata Yardım Mərkəzinin sədri Zöhrab İsmayılın sözlərinə görə, memorandumda müsbət məqamlar var. Əgər əvvəllər çoxtərəfli qrupa 4 QHT təmsilçisi dəvət edilirdisə, sənəd qüvvəyə minəndən sonra (2014-cü ilin I rübü) Koalisiyanın istənilən üzvü debatlarda iştirak edə biləcək. ARDNF ilə razılıq əldə edilib ki, Koalisiyanın nümayəndələri çoxtərəfli qrupun katibliyində işə cəlb edilə bilərlər.

Memorandumun hazırlanmasında ARDNF təmsilçiləri də iştirak edib. Konfrans iştirakçıları qeyd edib ki, yeni Memorandum layihəsi EİTİ -nin VI konfransında 2013-cü ildə qəbul edilən standartlara uyğundur. 

Ekspertlərdən biri Turan-a bildirib ki, gələn ilin yanvarından Koalisiya müəyyən əngəllərlə rastlaşacaq. Hökumət strukturları sənəd imzalanana kimi vətəndaş cəmiyyətindən daha çox qapalı növ üzrə razılıq istəyəcək. Amma irəliləyiş də olacaq. O, Global Witness QHT-nin 10 dekabrda «Azerbaijan Anonymous» araşdırmasının təsadüfi olmadığını bildirib. 

«Bu, ARDNŞ-yə informasiyanı gozlətməyin əbəs olduğnu anlatmaq üçündür. Az tanına investor Anar Əliyev dövlətin neft inhisarçısı ilə 48 əqddə mülkiyyə hüququ əldə edib», - deyə ekspert bildirib. Onun fikrincə, ARDNŞ-yə imkan yaradılıb ki, ümumi informasiya versin, yoxsa daha güclü ifşalarla üzləşə bilər. 

10 dekabrda Global Witness (Böyük Britaniya) təşkilatı Naxçıvandan olan  Anar Əliyev adlı şəxslə ARDNŞ-nin əqdləri barədə məlumat yaymışdı. Onun $375 mln şəxsi mənfəəti olduğu əqdlərdə iştirakının səbəbləri bilnmir. --17D—