Mədən sənayesində şəffaflığın gücləndirilməsi üzrə QHT koalisiyasının rəhbər orqanları seçiləcək

Cümə günü Mədən sənayesində şəffaflığın gücləndirilməsi üzrə QHT koalisiyasının 2013-cü il üzrə yekun konfransı keçirilib. 

İclasda rəhbər orqanların hesabatı dinlənilib, yekun sənəd təqdim edilib. Günün sonu üçün 5 nəfərlik monitorinq qrupu, 11 nəfərlik koalisiya şurası seçiləcək. 

Monitorinq qrupunun keçmiş rəhbəri Azər Mehdiyevin sözlərinə görə, çətin iş olduğu üçün bu dəfə qrupda olmaq istəmir, koalisiya şurası onu qane edir. «QHT assosiasiyasının üzvləri azalır, ötən il 171 idi, bu ilin əvvəlində 160, indi 120-dir. Nümayəndələrin yarısı səsvermədə iştirak etsə, sevinəcəyik», - deyə o bildirib. Səbəb isə budur ki, nə hökumət, nə ARDNŞ, nə xarici podratçılar neft və qaz hasilatı üzrə ictimaiyyətə hesabat vermir. 

İqtisadçı Qubad İbadoğlunun fikrincə, ARDNF Təşəbbüs çərçivəsində hesabat verir, amma ARDNŞ və xarici podratçılar da hesabat verməlidir. O, yeni beynəlxalq standartlardan danışıb və qeyd edib ki, köklü qərarlar Londonda I "Açıq hökumət təşəbbüsləri" sammitində qəbul edilib. Tədbirdə Böyük Britaniyanın baş naziri Devid Kemeron və ABŞ dövlət katibi Con Kerri, dövlət və hökumət başçıları iştirak edib. 

Yeniliyə əsasən, karbohidrogen satışı üzrə əsas maliyyə hesabatları açıq olmalıdır, ona görə yeni monitorinq qrupu çoxsaylı suallara asanlıqla cavab ala biləcək. --17D—