Dövlət Neft Şirkəti 2015-ci ilin yanvarında Supsa limanından Bakı-Supsa neft kəməri ilə nəql edilən 254,107 min ton Azərbaycan nefti ixrac edib.
ARDNŞ mətbuat xidmətinin məlumatına görə, 2014-cü ilin yanvar ayında ARDNŞ Supsa limanından 322,966 min ton neft ixrac edib. Beləliklə, 2015-ci ildə Supsa limanından ixrac həcmi 21,4% azalıb.
Ötən il ARDNŞ Supsa limanından 2 mln 957,39 min ton Azərbaycan nefti yola salııb.
Bakı-Supsa neft kəməri 1999-cu il aprelin 17-də istismara verilib. Ötürmə qabiliyyəti ildə 7,5 mln tondur.
ARDNŞ 2015-ci ilin yanvarında Novorossiysk limanından Bakı-Novorossiysk neft kəməri ilə ixrac edilmiş 169,507 min ton neft yola salıb. Bu, ötən ilin analoji dövrünün göstəricisindən 2 dəfə çoxdur.
Xəbər verildiyi kimi, ARDNŞ və Rusiyanın "Transneft" şirkəti Azərbaycan neftinin Bakı-Novorossiysk boru kəməri ilə nəqli haqqında müqaviləni 2015-ci ilin sonuna kimi uzadıb. 2014-cü ildə ARDNŞ Novorossiysk limanından 932,155 min ton neft yola salıb. Azərbaycan 1997-ci ildən öz neftini Bakı-Novorossiysk kəməri ilə nəql edir. –12D--
İqtisadiyyat
-
Avropada təbii qazın qiymətləri cümə günü 2023-cü ilin oktyabr ayından bəri ən yüksək səviyyəyə yüksələrək, bölgədə gözlənilən soyuq hava dalğası fonunda artan tələbat gözləntilərini əks etdirib.
-
ABŞ-ın prezidenti Donald Trampın təklif etdiyi enerji və ticarət siyasətləri qlobal neft və qaz qiymətlərində uzunmüddətli enişə səbəb ola bilər. Bu isə 2026-cı ildən etibarən Azərbaycanda iqtisadi sabitliyin pozulmasına gətirib çıxara bilər, əgər fundamental struktur islahatları həyata keçirilməzsə, iqtisadçı Qubad İbadoğlu son analizində xəbərdarlıq edib.
-
Azərbaycan kənd təsərrüfatı sektorunu şaxələndirmək istiqamətində addım ataraq ölkənin ilk kommersiya məqsədli banan istehsalına start verib. Yerli istehsalçı Fruitland tropik meyvələri daxili bazara təqdim edir.
-
Azərbaycan, Gürcüstan, Türkiyə və Bolqarıstan yaşıl enerjinin ötürülməsi sahəsində qarşılıqlı anlaşma memorandumu layihəsinin mətnini razılaşdırıblar. Bu, regionda dayanıqlı enerji əlaqələrinin inkişafında mühüm addım kimi qiymətləndirilir. Sənəd ölkələr arasında enerji mübadiləsini genişləndirmək və Yaşıl Enerji Dəhlizi layihəsi üçün hüquqi baza yaratmaq məqsədini daşıyır.
Rəy yaz