Qiymətli Kağızlar üzrə Dövlət Komitəsi məlumat verib ki, “Cənub Qaz Dəhlizi” QSC nizamnamə kapitalını üç dəfə - $300 mln.-a qədər artıracaq.
Nizamnamə kapitalının artırılması səhm nominalının konvertasiyası yolu ilə həyata keçiriləcək. Səhmlərin nominalı $1 mln.-dan $3 mln.-a qədər artacaq..
Qeyd edək ki, Xəbər verildiyi kimi, Azərbaycan prezidenti İlham Əliyev 2014-cü il fevralın 25-də "Şahdəniz" qaz-kondensat yatağının ikinci mərhələsinin işlənməsi layihəsinin səmərəli idarə olunması, Cənubi Qafqaz, TANAP və TAP qaz kəmərlərinin genişləndirilməsi ilə bağlı qapalı səhmdar cəmiyyətinin yaradılması haqqında sərəncam imzalayıb. Cəmiyyətin kapitalında ARDNŞ 49%, dövlət 51% pay sahibidir. Neft Fondu dövlətin “Cənub Qaz Dəhlizi” QSC-də pay sahibi kimi iştirakının maliyyələşdirilməsini təmin edəcək. Vəsaitlər qaytarılmaq şərti ilə verilir. –12D--
İqtisadiyyat
-
ABŞ-ın prezidenti Donald Trampın təklif etdiyi enerji və ticarət siyasətləri qlobal neft və qaz qiymətlərində uzunmüddətli enişə səbəb ola bilər. Bu isə 2026-cı ildən etibarən Azərbaycanda iqtisadi sabitliyin pozulmasına gətirib çıxara bilər, əgər fundamental struktur islahatları həyata keçirilməzsə, iqtisadçı Qubad İbadoğlu son analizində xəbərdarlıq edib.
-
Azərbaycan kənd təsərrüfatı sektorunu şaxələndirmək istiqamətində addım ataraq ölkənin ilk kommersiya məqsədli banan istehsalına start verib. Yerli istehsalçı Fruitland tropik meyvələri daxili bazara təqdim edir.
-
Azərbaycan, Gürcüstan, Türkiyə və Bolqarıstan yaşıl enerjinin ötürülməsi sahəsində qarşılıqlı anlaşma memorandumu layihəsinin mətnini razılaşdırıblar. Bu, regionda dayanıqlı enerji əlaqələrinin inkişafında mühüm addım kimi qiymətləndirilir. Sənəd ölkələr arasında enerji mübadiləsini genişləndirmək və Yaşıl Enerji Dəhlizi layihəsi üçün hüquqi baza yaratmaq məqsədini daşıyır.
-
Azərbaycanın əmək bazarı genişlənməkdə davam edir. Dövlət Statistika Komitəsinin ilkin məlumatlarına görə, 2025-ci ilin yanvar ayının əvvəlində ölkə iqtisadiyyatında çalışanların ümumi sayı 1,78 milyon nəfərə çatıb. Məlumatlar göstərir ki, 882,800 nəfər dövlət sektorunda, 895,700 nəfər isə qeyri-dövlət sektorunda çalışır.
Rəy yaz