Son ayda mal əti 15% ucuzlaşıb. Ekspertlərə görə, vəziyyət may ayında dəyişəcək.
Hazırda Bakıda 1 kq mal əti 7.7,5 manat, rayonlarda 5-6 manatdır. Uzun illər qiymət 9 manat olub. Qiymətin ucuzlaşmasının əsas səbəbi quraqlıqla bağlı yemin bahalanmasıdır. Məsələn, 1 ot presi payızdan 5 manatdır. Bir malın yem xərci 200 manata çatır. Bu isə 1 il öncəkindən 4 dəfə çoxdur. Ona görə fermerlər malı kəsir.
İqtisadçı Qubad İbadoğlunun fikrincə, ucuzlaşmanın səbəblərindən biri tələbatın azalmasıdır. Təklif RF və Gürcüstandan idxal hesabına artır. 2014-cü ildə ət idxalı 28,2% artıb. İdxalçılar ət gətirməyə $20 mln xərcləyib. İbadoğlu hesab edir ki, mal ətinin qiymətinin ucuzlaşmasının səbəbləri sırasında ehsan qadagası və əhalinin alıcılıq qabiliyyətinin azalmasını da göstərmək olar.
Əgər mal ətinin qiyməti bir ay bu səviyyədə qalsa, ət məhsulları, ictimai iaşə xidməti də ucuzlaşa bilər.
Dövlətstatkoma görə, 2014-cü ildə diri çəkidə ət istehsalı 505,5 min ton olub. Bu, əvvəlki ildəkindən 1,6% çoxdur. Mal ətinin payı xalis çəkidə 125 min tondur.
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz