Auditorlar Palatasının 2015-ci il üçün planları açıqlanıb.
Qurumun saytında deyilir ki, fevralın 13-də ``Beynəlxalq Maliyyə Hesabatı Standartlarının tətbiqi şəraitində konsilidə edilmiş hesabatın auditinin xüsusiyyətləri`` mövzusunda seminar keçiriləcək.
Bu il 15 müxtəlif seminar, konfrans, dəyirmi masa planlaşdırılıb. Mayın 7-8-də Kiçik və orta müəssisələrdə ``Beynəlxalq Maliyyə Hesabatı və Audit Standartlarının tətbiqi: problemlər və perspektivlər`` mövzusunda elmi-praktik konfrans keçiriləcək. Auditor fəaliyyətinin müasir vəziyyəti, meylləri və praktiki aspektləri sentyabrın 8-də, auditdə dempinq sentyabrın 22-də müzakirə olunacaq.
AAP noyabrın 6-da ``Azərbaycan iqtisadiyyatında investisiya cəlb ediciliyinin yüksəldilməsində məcburi auditin rolu və əhəmiyyəti`` mövzusunda konfrans keçirəcək. ``2014-cü il üzrə illik maliyyə hesabatlarının auditinin həyata keçirilməsi üzrə auditorlara tövsiyyələr`` mövzusunda dəyirmi masa isə 20 noyabr 2015-ci ildə olacaq. --17D—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz