ARDNŞ TANAP layihəsindəki payının hansı hissəsini satmaq istəyir?

Dövlət Neft Şirkəti Transanadolu qaz kəmərindəki payının bir hissəsini başqa şirkətlərə satmağa hazırlaşır. Bu barədə ARDNŞ prezidenti Rövnəq Abdullayev 4 iyulda Sumqayıtda jurnalistlərə bildirib, amma o, mümkün iddiaçılara eyham da vurmayıb. 

ARDNŞ rəhbərinin dedikləri ictimaiyyət üçün yenilik deyil. Məsələ burasındadır ki, 4 aprel 2012-ci ildə o, jurnalistlərə demişdi ki, ARDNŞ Transanadolu qaz kəmərindəki payının bir hissəsini başqa şirkətlərə satmaq niyyətindədir, BP və Statoil layihəyə daxil olmaq arzusundadır. ARDNŞ isə boru kəmərinə nəzarət və idarəçiliyi özündə saxlamaq istəyir. 

Sonradan məlumat yayıldı ki, TANAP ilə 2011-ci ilin sentyabrında 150-300 mlrd m3 qaz ehtiyatı olan “Abşeron” yatağını kəşf edən Fransa Total-ı maraqlanır. 

Maraqlıdır ki, o vaxt Ukrayna rəsmi Bakıya müraciət edərək TANAP layihəsindən pay istədi. Amma Abdullayev izah etdi ki, payı Xəzərdə real qaz ehtiyatı olan və Avropa istehlakçılarına potensial tədarükçü olan şirkətlərə vermək olar. 

Ehtimal ki, ötən vaxtda ARDNŞ TANAP üzrə gələcək tərəfdaşlar barədə fikirlərində ciddi dəyişiklik olmayıb. Buna görə demək olar ki, ARDNŞ öz payının 50%-ə qədərini “Şahdəniz” və “Abşeron” üzrə tərəfdaşalara sata bilər.

* Hazırda TANAP layihəsində ARDNŞ-nin 80%, Türkiyə şirkətləri  ТРАО və BOTAS-ın hərəsinin 10% payı var.–12A—