Neçə ildir Azərbaycanda avtomobil benzininə tələbat artır. 2012-ci ildə daxili bazara 1 mln 282 min ton avtomobil benzini tədarük edilib. 2011-ci ildə bu həcm 1 mln 179 min ton, 2010-cu ildə 1 mln ton olub.
Bu tendensiya davam etsə, yanacaq qıtlığı yarana bilər. Bu barədə jurnalistlərə ARDNŞ vitse-prezidenti Davud Məmmədov bildirib.
Onun sözlərinə görə, hazırda ARDNŞ daxili tələbatı tam təmin edir. Amma bu məhsulun ixracı praktik olaraq dayanıb.
2013-cü ilin I rübündə Azərbaycan 4,470 min ton avtomobil benzini ixrac edib. Əvvəlki illə müqayisədə bu göstərici 4,29 dəfə azalıb. Fevralda ixrac əməliyyatı olmayıb.
ARDNŞ vitse-prezidenti bildirib ki, indi benzin istehsalının artırılması üçün tədbirlər görülür və onu 2 mln-dan 3 mln-a çatdırmaq planlaşdırılır.
"Bu il layihə hazırlanacaq, 2014-cü ildə icrası başlanacaq və 2015-ci ildə başa çatacaq. Layihəni Amerikanın UOP şirkəti hazırlayır. O, katalitinq krekinqdə dünya lideridir", - deyə Məmmədov bildirib. Bundan sonra xammal emalı 1 mln ton, benzin istehsalı 450 min tonadək artacaq, deyə vitse-prezidenti bildirib.
2012-ci ildə Azərbaycanda 1 mln 296,6 min ton avtomobil benzini istehsal edilib. Bu, 2011-ci ildəkindən 0,1% çoxdur. --12В--
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz