Vergilər Nazirliyi “SOCAR-CNG” MMC-ni qeydiyyata aldığını bildirib. Dövlət qeydiyyatı 22 oktyabrda baş verib, rəsmi məlumat 4 dekabrda «Vergilər» qəzetində gedib.
Adından göründüyü kimi, şirkətin təsisçilərindən biri ARDNŞ-dir. ARDNŞ-nin belə adlarla bir neçə müştərək müəssisəsi var. 2012-ci ilin iyunundan şirkətlərin təsisçiləri məxfi saxlanılır.
“SOCAR-CNG” MMC-nin nizamnamə kapitalı 100 000 manatdır. Müəssisə Bakı, Xətai rayonu, Mehdi Mehdizadə küçəsi, 22 ünvanındadır.
“SOCAR-CNG” MMC-nin direktoru Fikrət Sucayev həmçinin Azərbaycan-Türkiyə “AzTurQaz” MM-ə rəhbərlik edəcək. Direktorlar Şurasının üzvləri bunlardır: Elşən Salmanov, Rasim Salmanov, Əkbər Hacı oğlu Hacıyev, Fuad Ramiz oğlu Kərimli və Cəlal Həsənağa oğlu Fərəcli.
ARDNŞ-nin saytında “SOCAR-CNG” MMC barədə məlumat yoxdur. 08D
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz