Artıq ödənişsiz tətil: niyə Azərbaycanı seçirsiniz?
Artıq ödənişsiz tətil: niyə Azərbaycanı seçirsiniz?
İlin əvvəlindən booking.com onlayn mehmanxana bronlaşdırma sistemində Azərbaycanda bütün ulduz kateqoriyalı hotellərdə orta qiymət Gürcüstan, Ermənistan və İstanbul (Türkiyə) ilə müqayisədə aşağı olub.
Bu barədə Dövlət Turizm Agentliyinin məlumatında deyilir.
Belə ki, yanvarda Azərbaycanın milli valyutası ilə Azərbaycanda hotellərdə bir gecəlik orta qiymət 87,5 manat, İstanbulda 159,5 manat, Gürcüstanda 159 manat, Ermənistanda 106,5 manat təşkil edib.
Fevral ayında Azərbaycanda qiymətlərdə müəyyən artım, digər ölkələrdə və İstanbulda isə əksinə, azalma müşahidə olunub. Buna baxmayaraq, bu dövrdə Azərbaycanda mehmanxanalarda bir gecəlik orta qiymət digər müqayisə olunan ölkələrə nisbətən aşağı olaraq qalıb. Belə ki, fevralda Azərbaycanda bütün ulduz kateqoriyalı mehmanxanalarda gecəlik orta qiymət 102,67 manat, İstanbulda 130,60 manat, Gürcüstanda 126,50 manat, Ermənistanda 97,20 manat təşkil edib.
Mart ayında Azərbaycan, İstanbul, Gürcüstan və Ermənistanda hotellərdə orta qiymət bir qədər artıb. Belə ki, Azərbaycanda hotellərdə gecələmə 134,33 manata, İstanbulda 138,2 manata, Gürcüstanda 111 manata, Ermənistanda 102,5 manata yüksəlib.
Aprel ayının yenicə başlamasına baxmayaraq, artıq qiymətlərdə dəyişiklik müşahidə olunmaqdadır. Belə ki, Azərbaycanda hotellərdə gecələmə 131,67 manat, İstanbulda 180,8 manat, Gürcüstanda 141 manat, Ermənistanda 112 manatdır.
Azərbaycan ərazisində üçulduzlu hotellərdə ən bahalı nömrələr Gəncədədir - gecəlik 135 manat. Bakıda bu göstərici 75,2 manat, Şəkidə 72 manat, İsmayıllıda 63 manat, Astarada 60 manat, Mingəçevirdə. 50 manatdır. Dördulduzlu hotellərdə ən bahalı otaqlar bir gecəlik Naftalandadır - 223 manat. Qaxda bu göstərici 142 manat, Qəbələdə 121 manat, İsmayıllıda 120 manat, Bakıda isə 108,61 manatdır. Beşulduzlu hotellərin təhlili göstərib ki, ən bahalı hotel qiymətləri Qubadadır - 269 manat. Naftalanda qiymətlər 247 manat, Bakıda 236,92 manat, Qəbələdə 205,55 manat, Lənkəranda 170,45 manat, Şabranidə 153,64 manat, Qaxda 153 manatdır. və s.
Qusarda beşulduzlu hotellərdə 109 manata rahat istirahət edə bilərsiniz.
Kateqoriyasız hotellərdə isə ən ucuz istirahət Beyləqan və Qazaxdadır - 30 manat. Kürdəmir və Mingəçevirdə 40 manata, Qusarda 59,25 manata, Gəncə-Goranboyda 75-77 manata istirahət mümkündür.
İqtisadiyyat
-
Azərbaycanda unun qiymətində artım müşahidə olunur. Mayda 50 kiloqramlıq un kisəsinin qiyməti 25-26 manat idisə, hazırda o, 29 manata qədər yüksəlib. Unun qiymətində artım Dövlət Statistika Komitəsinin (DSK) məlumatında da əks edilib.
-
Azərbaycan və İsrail yaşıl enerji sahəsində əməkdaşlığın inkişaf etdirilməsi ilə bağlı müzakirələrə başlayıb, bu barədə Azərbaycanın energetika naziri Pərviz Şahbazov “X” sosial şəbəkəsində bildirib.
-
Azərbaycan Respublikasının Milli Məclisi alkoqollu içkilərin, xüsusilə də arağın istehsalı və idxalının tənzimlənməsinin gücləndirilməsi məqsədi ilə ölkənin “Qida təhlükəsizliyi haqqında” qanuna mühüm dəyişikliklər edib. Prezident İlham Əliyev tərəfindən ratifikasiya edilmiş düzəlişlər hökumətin əhalinin sağlamlığının qorunması və maliyyə hesabatı standartlarına sadiqliyini əks etdirən ciddi təhlükəsizlik və iqtisadi meyarlarını təmin etmək məqsədi daşıyır.
-
Azərbaycan Nazirlər Kabineti donor orqan transplantasiyasını həyata keçirmək hüququ olan ixtisaslaşmış tibb müəssisələrinin siyahısında dəyişiklikləri təsdiqləyib. Azərbaycan Konstitusiyasının 119-cu maddəsinin səkkizinci bəndini rəhbər tutaraq dəyişikliklər baş nazir Əli Əsədovun imzaladığı 337 və 338 nömrəli qərarlarda elan edilib.
Azərbaycanda növbəti devalvasiya gözlənilir? – Natiq Cəfərli Çətin sualda
Xəbər lenti
-
- Cəmiyyət,
- 11:00
- 79
Rəy yaz