Azərbaycan Sığortaçılar Assosiasiyasının (ASA) Könüllü Sığorta Komitəsinin iclasında fiziki şəxslərə təqdim edilən minik avtomobillərinin tam sığortası üzrə sığorta qaydaları müzakirə edilib, xüsusilə sığorta dəyəri, sığorta məbləği və sığorta haqqının uzunmüddətli (1 ildən artıq bağlanmış) müqavilələrdə illər üzrə bölünməsi məsələsi müzakirə edilib. Qeyd edilib ki, sığortalanan avtomobilin növbəti illər üzrə qiyməti, sığorta tarifi və sığorta müqaviləsinə xitam verilərkən qaytarılacaq sığorta haqqının müəyyən olunması zaman müştərilərlə sığortaçılar arasında anlaşılmazlıq yaranır.
Ekspertlər “Fiziki şəxslərin minik avtomobillərinin tam sığortası qaydaları”na dəyişiklik etmək niyyətindədir. Komitə üzvləri bu məsələləri gələn həftə sığorta şirkətlərinin avtomobil üzrə anderrayterləri və sığorta hadisələri şöbələrinin qiymətləndirmə üzrə ekspertləri ilə müzakirə etmək barədə qərar qəbul ediblər.
ASA 2006-cı ildə yaradılıb. Əsas məqsədi sığorta bazarının inkişafı, onun problem və perspektivinin müzakirəsidir. --17D—
İqtisadiyyat
-
Biznes Mühiti və Beynəlxalq Reytinqlər Komissiyasının İşçi Qrupu tərəfindən hazırlanan və elektrik şəbəkəsinə qoşulma mövzusunda məlumatları əhatə edən qanunvericilik normaları və elektron dövlət xidmətləri ilə bağlı ətraflı icmal dərc edilib.
-
Üçüncü oxunuşda qəbul edilmiş "Vergi Məcəlləsinə Dəyişikliklər Haqqında" qanun layihəsi Azərbaycanda yerli istehsal avtobuslarının satışı və bu nəqliyyat vasitələri üçün ehtiyat hissələrinin təchizatı üzrə vergi güzəştlərini nəzərdə tutur. Bu barədə İqtisadiyyat Nazirliyi yanında Vergi Xidməti məlumat verərək, hökumətin təşəbbüsünün ölkədə biznesin inkişafını dəstəkləmək və vergi yükünü azaltmaq məqsədinə xidmət etdiyini bildirib. Güzəşt 1 yanvar 2025-ci il tarixindən qüvvəyə minəcək və 8 il müddətində qüvvədə qalacaq.
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
Rəy yaz