ASC-nin səhm paketlərinin qiyməti 2,5 ildə iki dəfə artıb

“Holcim” (Azerbaycan) ASC-nin səhmlərinin qiyməti oktyabrda 14% artırılıb. Bu gün bi səhm 55,3 manatdır, sentyabrda 48,3 manat idi.   “Marja” portalı bildirir ki, “Holcim” (Azerbaycan) minoritarları səhm paketini 10300-ə almaq barədə təklif lıblar, sentyabrda qiymət 9000 manat olub. Bir səhm paketində 186 səhm olur. Turan-ın hesablamasına əsasən, 2013-cü ilin əvvəli üçün nominal qiyməti 20 manat olan səhmin arxasında 143 manat səhmdar kapital dururdu. Əvvəlki ildə bu göstərici 119 manat olub. Beləliklə, minorotarların bir minimal səhm lotunun real qiyməti 26,6 min manatdır. Bir çox səhmdarlar inanır ki, nə vaxtsa onlar bu səhm paketi ilə Qaradağ rayonunda ev ala biləcəklər. 

“Holcim” (Azerbaycan) ASC səhmlərinin aktiv alıcısı kimi “Azer İnvest Kompani” MMC çıxış edir. İlin əvvəli üçün sement zavodunun səhmlərinin 1,2%-i şirkətə məxsus olub.  

Bakı Fond Birjasının məlumatına görə, təkcə avqustda “Holcim” (Azerbaycan) ASC-nin səhmlərinin alqı-satqısı üzrə 15 əqd 139 362 manat təşkil edib. Bu, avqustda birjada təkrar səh dövriyyəsinin 42%-dir. 

1998-ci ildə cəmi 1590644 ədəd səhm buraxılıb. İnvestisiya müsabiqəsi yolu ilə “Holcim Group” (İsveçrə) “Holcim” (Azerbaycan) ASC-nin səhmlərinin 85%-i alıb. Hazırda 1 049 874 ədəd və ya səhmlərin 66,0%-i bu şirkətə məxsusdur. Onun törəmə şirkəti  “Holcim  Auslandbeteiligungs GmbH” 3,62% səhmə sahibdir. Avropa Yenidənqurma və İnkişaf Bankı və «Azərbaycan İnvestisiya Şirkəti» (hərəyə 10%) səhmdardır. Təxminən 700 minoritar da səhm sahibidir. İlin əvvəli üçün minoritarlar (“Azer İnvest Kompani” nəzərə alınmaqla) 165 168 ədəd və ya 10,38% səhmə malik olub. 

2012-ci ildə “Holcim” (Azerbaycan) ASC-nin satışı 156,7 mln manat olub. Balans mənfəəti 89,3 mln manat, xalis mənfəət 2011-ci ildəki qədər – 38 mln manat olub. 2009-cu ilin II rübündən səhmdarlara dividebd verilmir. 2016-cı il üçün SC kreditorlarla tam hesablaşıb dividend verməyə başlamalıdır. 08B