“Atəşgah” şirkətinin səhmdarlarının ümumi yığıncağında Direktorlar Şurası və İdarə Heyətinin tərkibində dəyişikliklər təsdiq edilib.
Həmçinin ötən ilin maliyyə hesabatı da təsdiq olunub.
Press-relizə əsasən, səhmdarların qərarı ilə Ruslan Əliyev Direktorlar Şurasının sədri seçilib. Vaqif Əliyev və Vladimir Solovyov “Atəşgah” Direktorlar Şurasının üzvü vəzifəsinə növbəti müddətə yenidən təyin edilib.
Məşhur maliyyəçi, Azərbaycan Sığortaçılar Assosiasiyasının sabiq rəhbəri Azər Əliyev şirkətin İdarə Heyətinə üzv təyin edilib. Bundan başqa, Elşad İsgəndərov Təftiş Komissiyasının sədri, Natiq Əmircanov isə komissiyaya üzv təyin edilib.
“Atəşgah” sığorta şirkəti 1996-cı ildə yaradılıb. Şirkətin səhmdarları bir neçə hüquqi şəxsdir. Nizamnamə kapitalı 5 mln 8,5 min manata bərabərdir.
Şirkət sığorta haqları və ödənişlərin həcminə görə aparıcı şirkətlərin beşliyinə daxildir (1 sentyabr üçün 32 mln 736,45 min manat sığorta haqqı toplayıb, 10 mln 330,926 min manat ödəniş edib). --17D—
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz