Avqustda avtomobil idxalı 24,1% artıb

İyun-avqustda avtomobil idxalçıları tədarükü yenidən artırıb. Avqustda avtomobil idxalı 24,1% artıb. Amma ilin əvvəlindən avtomobil idxalı üçdə bir və ya 23 950 vahid azalıb.

Gömrük Komitəsinin məlumatına görə, avqustda 4 938 avtomobil idxalı bəyan edilib. İyulda bu göstərici 3979, iyunda 3783 olub.

Bu ilin 8 ayında ölkəyə xaricdən 43 276 avtonəqliyyat vasitəsi gətirilib. Bu, ötən ilin eyni dövründəkindən 35,7% azdır.

Minik avtomobillərinin xüsusi çəkisi (39 198) idxalda 90,5% təşkil edir. Ötən ilin eyni dövrü ilə müqayisədə minik avtomobillərinin tədarükü 21 726 ədəd azalıb.

Maraqlıdır ki, bu ildən Çindən avtomobilləri idxalı artır. İdxal edilən minik avtomobillərinin sayına görə bu ölkə Rusiyaya yaxınlaşır. Dövlətstatkoma görə, bu ilin I yarısında 7,9 min yeni avvtomobil idxal edilib. Bunun 1252 ədədi Çinin, 1598-i RF-in payına düşür. Daha çox avtomobil Koreyadan idxal olunub - 4488 ədəd.  

Bu ilin aprelindən avtonəqliyyat vasitələri üçün avro-5 standartı tətbiq edilir. Bundan başqa, iyundan avtomobillərin üçdə ikisinin cəmləşdiyi Bakıda parklama tətbiq edilir və qiymətlər bahalanıb. Amma iyun-avqust tendensiyası göstərir ki, avtomobil idxalı yenidən artır. 08D