İki broker şirkəti fəaliyyətini dayandırıb

Qiymətli Kağızlar üzrə Dövlət Komitəsi sentyabrın 16-da “Qarant Invest” broker şirkətinin lisenziyasını ləğv edib. Broker və dilrlərin siyahısında “Standard Kapital” broker şirkətinin də adı yoxdur.

“Qarant Invest” MMC 2011-ci ilin sentyabrında 10 000 manat nizamnamə kapitalım ilə təsis edilib və noyabrda broker lisenziyası alıb. Şirkət hələ ləğv edilməyib və Ziya Məmmədovun ailəsinə məxsus “Garant Holding” şirkətlər qrupuna daxildir. 2013-cü ilin martında Turan məlumat vermişdi ki, “Qarant İnvest” şirkətinin rəhbəri onu atıb və o vaxtdan fəaliyyət göstərmir. “Standard Kapital” MMC-nin (NK – 200 000 manat) broker və diler lisenziyasından imtinası da maraqlıdır. Şirkət bu fəaliyyətlərlə 2004-cü ildən məşğul olub. Bu günlərdə 5 illik lisenziyanın müddəti bitib və “AB Standard” QSC onu uzatmaqdan imtina edib. Bu holdinqə keçmiş iqtisadi inkişaf naziri Heydər Babayevin ailəsi və başqa bir ailə nəzarət edir.

QKDK-ya görə, Azərbaycanda  13 broker, 13 diler, 2 aktivlərin idarə edilməsi, 3 depozitar fəaliyyət lisenziyası var.

Bu ilin iyulunda QKDK broker şirkətlərinə tələbləri dəyişib. 2015-ci ildən onlar yeni qayda ilə işləyəcək. 08B