Avropa Komissiyası SOCAR-ın DESFA-da pay alması üzrə sövdələşməyə baxılmasını təxirə salıb
Avropa Komissiyasının Rəqabət üzrə Direktorluğu SOCAR –ın (Azərbaycan Dövlət Neft Şirkəti) DESFA-da (Yunanıstan qaz operatoru) 66 faiz pay almasına dair sövdələşməyə baxılmasını ilin sonunadək uzadıb.
“Avropa Komissiyası direktorluğu bu məsələyə baxılmasını davam etdirir. Bizim işçi qrupumuz bütün sorğuları cavablandırır. Əsas məsələ sövdələşmənin Aİ-nin üçüncü energi paketinə uyğunluğudur, belə ki, bu, Yunanıstanın qaz bazarında rəqabətin inkişafına mane ola bilər. Biz hazırda Avropaya qaz satışını həyata keçirmirik, odur ki, bu məsələ ilə bağlı güzəştə getmək lazımdır. Lakin iş davam edir”, - SOCAR prezidenti Rövnəq Abdullayev mətbuata bildirib.
Bu məsələyə ilkin olaraq martın 23-dək baxılması planlaşdırılmışdı, sonradan yekun müddət 2015-ci il aprelin 22-dək uzadılıb.
2014-cü il noyabrın 6-da Avropa KİV-i bildirib ki, Aİ-nin antiinhisar qurumu SOCAR və DESFA arasında hazırlanan sövdələşmənin yoxlanmasına başlayıb. Avropalı məmurlar Yunanıstanın qaz bazarında rəqabətin səviyyəsinin enəcəyindən ehtiyatlanmağa başlayıblar.
SOCAR 400 milyon avroya DESFA şirkətinin 2/3-ni almaq niyyətindədir.—0—
İqtisadiyyat
-
Azərbaycanın əmək bazarı genişlənməkdə davam edir. Dövlət Statistika Komitəsinin ilkin məlumatlarına görə, 2025-ci ilin yanvar ayının əvvəlində ölkə iqtisadiyyatında çalışanların ümumi sayı 1,78 milyon nəfərə çatıb. Məlumatlar göstərir ki, 882,800 nəfər dövlət sektorunda, 895,700 nəfər isə qeyri-dövlət sektorunda çalışır.
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
Rəy yaz