Transanadolu qaz kəməri layihəsinin (TANAP) maliyyələşdirilməsi normal templə həyata keçirilir. Bunu jurnalistlərə SOCAR-ın prezidenti Rövnəq Abdullayev bildirib.
Onun sözlərinə görə, SOCAR-ın layihə üzrə tərəfdaşları BOTAS və BP öz payları çərçivəsində maliyyələşdirməyə başlayıblar.
“TANAP hətta qrafiki qabaqlamaqla həyata keçirilir. 2018-ci ilin ikinci yarısında Azərbaycan qazı Türkiyəyə daxil olacaq”, - o qeyd edib.
TANAP layihəsi Azərbaycan qazının “Şahdəniz” yatağından Türkiyənin qərb sərhəddinə nəqlini nəzərdə tutur.
Boru kəmərinin ilkin buraxılış qabiliyyəti ildə 16 milyard kub metr olacaq. 6 milyard kubmetrə yaxın qaz Türkiyəyə, qalanı Avropaya nəql ediləcək. –0--
İqtisadiyyat
-
Şimali Makedoniya Prezidenti Gordana Silyanovska-Davkova Bakıya səfəri çərçivəsində Azərbaycan Dövlət Neft Şirkəti SOCAR və Şimali Makedoniyanın ECM şirkəti cümə axşamı əməkdaşlıq haqqında memorandum imzaladılar, Turan-a məlumatlı mənbə bildirdi.
-
Bugünlərdə Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində "Pambıqdan geyimə dəyər zəncirinin karbonsuzlaşdırılması və iqlimə uyğunlaşdırılması" mövzusunda müzakirələr keçirilib. Orada digər məsələlərlə yanaşı, Azərbaycanda pambıqçılığın vəziyyəti də müzakirə olunub.
-
Azərbaycan, inkişaf edən və inkişaf etmiş ölkələrdən, habelə azı 10 ölkənin dövlət və özəl sektor nümayəndələrindən, ümumi büdcəsi 1 milyard ABŞ dolları olan İqlim Maliyyə Fəaliyyət Fondu (CFAF) üzrə səhmdar kimi iştirakla bağlı əhəmiyyətli maraq cəlb edib. CFAF Azərbaycanın COP29-da təqdim etdiyi 14 əsas təşəbbüsdən biridir, bunu Azərbaycan Respublikasının COP29 üzrə baş danışıqlar aparıcısı və xarici işlər nazirinin müavini Yalçın Rəfiyev çərşənbə axşamı mətbuat konfransında bildirib.
-
Azərbaycan hökuməti OPEC Fonduna bir sıra bərpa olunan enerji layihələrinin, o cümlədən dəniz külək enerjisinin inkişafı, "yaşıl enerji dəhlizi" təşəbbüsləri və SOCAR-ın Birləşmiş Ərəb Əmirliklərindən Masdar şirkəti ilə birgə həyata keçirməyi planlaşdırdığı 1 QVt gücündə layihənin maliyyələşdirilməsində iştirak etməyi təklif edib.
Rəy yaz