İlham Əliyev: Azərbaycan Avropa üçün yeganə yeni qaz mənbəyidir

Azərbaycan Avropa üçün yeganə yeni qaz mənbəyidir, deyə prezident İlham Əliyev aprelin 28-də Bakıda III Qlobal Açıq Cəmiyyətlər Forumunın açılış mərasimində çıxışında bildirib.

Onun sözlərinə görə, Azərbaycan enerjidaşıyıcıların şaxələndirilməsində vacib rol oynayır: “Biz 20 ildir ki, regionda tamamilə yeni enerji xəritəsini yaradan neft strategiyasını reallaşdırırıq”.

“Hazırda Xəzər dənizindən neft təkcə Azərbaycandan deyil, həm də Xəzərin şərq sahillərindən beynəlxalq bazarlara çatdırılır”, deyə İlham Əliyev qeyd edib.

Prezident Azərbaycanın yenidən təşəbbüskarı olduğu Avropanın iri infrastruktur layihəsinin reallaşdırılmasını vurğulayıb.

Dövlət başçısı deyib ki, “Cənub Qaz Dəhlizi” bir neçə hissədən ibarətdir: “Bura dünyada ən iri qaz yataqlarından biri olan Azərbaycanın “Şahdəniz” yatağının işlənməsi, Cənubi Qafqaz boru kəməri, Transanadolu qaz kəməri və Transadriatik boru kəmərinin daxil olduğu yeni boru kəmərləri sisteminin tikilməsi aiddir”.

Prezidentin sözlərinə görə, Bolqarıstan da Azərbaycanın enerji siyasətinin hissəsidir, Azərbaycan-Gürcüstan-Türkiyə üçtərəfli formatı isə daha böyük formata çevrildi. O deyib ki, bu layihələr texniki cəhətdən mürəkkəbdir və geniş əlaqələndirmə və əməkdaşlıq tələb edir. “Bu məqsədlə fevralda Azərbaycanın təşəbbüsü ilə Bakıda “Cənub Qaz Dəhlizi”nin Məşvərət Şurasının ilk iclası keçirildi. Həmin iclas sadaladığım ölkələrin bütün yüksəkvəzifəli nümayəndələrinə, eləcə də ABŞ və Avropa İttifaqı Komissiyasının nümayəndələrinə bu məsələni müzakirə etməyə imkan verdi. Və biz mətbuat üçün birgə bəyanat verdik. Azərbaycanın qabaqcıl rolu dəqiq müəyyənləşdirildi”.

Prezident deyib ki, Azərbaycanın 2018-2019-cu illər üzrə planına uyğun olaraq, adıçəkilən bütün layihələr reallaşdırılmalıdır: “Əminəm ki, yaxın illərdə Balkan ölkələri bizim boru kəməri sistemimizə qoşulacaq. Üstəlik, hazırda Avropada interkonnektorlar tikilir, biz bunu tam dəstəkləyirik, çünki Azərbaycan iri qaz ehtiyatlarına və tikinti mərhələsində olan infrastruktura malikdir”.

Prezident xatırladıb ki, adıçəkilən layihələr Azərbaycanın Avropa ilə əməkdaşlığının yeganə hissəsi deyil: “Biz başa düşürük ki, Avropa üçün enerjinin şaxələndirilməsi həqiqətən də milli təhlükəsizlik məsələsidir və biz də bu məsələyə eyni münasibəti göstərməliyik. Enerji təhlükəsizliyi milli təhlükəsizlikdən ayrı götürülə bilməz”.

"Cənub qaz dəhlizi" Avropa İttifaqı üçün vacib layihələrdəndir.

“Şahdəniz 2” çərçivəsində çıxarılacaq qaz layihə üçün ilkin mənbə sayılır.

“Şahdəniz 2” çərçivəsində çıxarılacaq qaz Türkiyəyə və "Cənub qaz dəhlizi" TANAP və TAP kəmərləri vasitəsilə Avropaya nəql ediləcək.

Forum Tədbir Diasporla İş üzrə Dövlət Komitəsinin və  Nizami Gəncəvi Beynəlxalq Mərkəzinin dəstəyi ilə keçirilir.

Forumda iki ölkənin prezidenti, 4 ölkənin baş nazir və xarici işlər naziri, 41 ölkənin sabiq prezidenti olmaqla ümumilikdə 72 ölkənin rəsmiləri iştirak edir.

Nüfuzlu siyasi liderlər dünyanı narahat edən məsələləri müzakirə edəcəklər. Tədbirdə mövcud və sabiq prezidentlər, baş nazirlər və nazirlər, aparıcı alim və ekspertlər beynəlxalq sülh və təhlükəsizliyə təhdidləri müzakirə edəcək, onların həll yollarının tapılması istiqamətində müzakirələr aparacaqlar.—0--