![Müsabiqə əsasında dövlət satınalmalarının həcmi 36% azalıb](https://turan.az/resized/750/500/resize/media/2015/main/042900114271.jpg)
Müsabiqə əsasında dövlət satınalmalarının həcmi 36% azalıb
Satınalmalar üzrə Dövlət Agentliyi (SDA) 2014-cü il üçün 9 549 dövlət satınalması üzrə hesabatı açıqlayıb. Bu satınalmalar müsabiqə əsasında həyata keçiriıib. 2013-cü il üçün dövlət satınalmaları üzrə statistik göstəricilərin müqayisəsi müəyyən qədər pisləşmənin olduğunu göstərib.
Müsabiqə yolu ilə satınalmaların ümumi sayı 23,1% azalıb. 2014-cü ildə müsabiqə üzrə satınalmaların nəticələrinə görə bağlanmış müqavilələrin ümumi həcmi 1,3 mlrd. manat təşkil edib ki, bu da 2013-cü ildə olduğundan 36% və ya 737 mln. manat azdır.
Qeyd edək ki, SDA özünün informasiya resursunda (tender.gov.az) keçirilən bütün açıq və ya qapalı tenderlər, kotirovkalar və təkliflər sorğusu haqda məlumatların hamısını dərc etmir. Bundan əlavə, agentliyin hesabatında deyilir ki, dövlət strukturlarının hamısı dövlət büdcəsi, xarici kreditlər və dövlət müəssisə və təşkilatlarının öz vəsaiti hesabına keçirilən satınalmalar haqda məlumatı təqdim etmirlər.
2014-cü ildə müsabiqə üzrə satınalmalar nəticəsində vəsaitə qənaət 59,4 mln. manat təşkil edib ki, bu da 2013-cü ildə olduğundan 61 mln. manat azdır.
İl ərzində agentliyə müsabiqə üzrə satınalma iştirakçılarından 55 şikayət daxil olub ki, bu da ötən ildə olduğundan 7 dəfə çoxdur. Həmin müraciətlərin araşdırılmasının necə başa çatması açıqlanmır. SDA-nın hesabatında bu və ya digər tenderlərin ləğv edilib-edilməməsi barədə də məlumat yoxdur.
Turan İnformasya Agentliyinin araşdırmaları göstərib ki, kotirovka satınalmalarının çoxu formal xarakter daşlyır. Onların “qalibləri” əsasən “birgünlük şirkətlər”dir. SDA-ın hesabatında mal (iş və xidmət) tədarükçüləri dairəsini, yerli istehsallı mallar üzrə satınalmaları təhlil edən məlumat yöxdur.08B
-
- Siyasət
- 29 Aprel 2015 12:17
-
- İqtisadiyyat
- 29 Aprel 2015 12:38
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz