![AVSMMİS üzrə bütün sığorta mükafatlarının beşdə biri yığılıb](https://turan.az/resized/./turan-750-500-resize.webp)
AVSMMİS üzrə bütün sığorta mükafatlarının beşdə biri yığılıb
Bütöv rüb boyunca avtonəqliyyat vasitələri sahiblərinin mülki məsuliyyətinin icbari sığortası (yeni AVSMMİS) sığorta bazarında lider olub – bu növ üzrə 62,5 mln manat yığılıb. Bu, əvvəlki lider KTS-in göstəricisindən 12,57 mln çoxdur. Qeyd edək ki, ötən ilin yekununda fərq 5,8 mln idi. Avtoinspeksiya və sığorta agentlərinin aktivliyi fonunda bu proses ilin əvvəlindən proqnozlaşdırılırdı.
Bütövlükdə sığorta bazarının həcmi (28 şirkət, təkrarsığorta şirkəti nəzərə alınmır) yanvar-sentyabrda 282 mln 143,74 min manat olub. İl ərzində artım (1 oktyabr 2011-ci il üçün 179,1 mln manat yığılmışdı) 63,5% təşkil edib. Adambaşına mükafat 30 manat ($38) olub. Ötən illə müqayisədə “sığorta şüurunda” iki dəfə artım olub.
Əgər ötən illər artım nəqliyyat sığortası və KTS hesabına olurdusa, bu ilin on ayında icbari həyat sığortası və AVSMMİS onlara çatıb. KTS üzrə 49,93 mln manat, КАСКО üzrə 47,09 mln manat (son rübdə ən yaxşı yığım sürəti) mükafat toplanıb.
İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta 20,46 mln manat, ümumi və qarışıq həyat sığortası 12,33 mln manat gətirib. Bu növlər sığorta bazarına bütün mədaxilin 70%-i təmin edib.
Mükafatların çoxu könüllü növlər üzrədir – 174,7 mln manat və ya 61,9% (ötən illə müqayisədə 23,5% artım).
Bədbəxt hadisə və xəstəliklərdən sığorta üzrə 8,7 mln manat, hava nəqliyyatının sığortası üzrə 5,81 mln manat (yarım ilin sonunda 212 min idi) mükafat olub. Hava nəqliyyatı vasitələri sahiblərinin mülki məsuliyyətinin sığortası üzrə 1,94 mln manat (1 iyul göstəricisi ilə müqayisədə 100 dəfə artım), yük sığortası üzrə 13,59 mln manat, su nəqliyyatının sığortası üzrə 974 min manat yığım olub.
Avtonəqliyyat vasitələri sahiblərinin mülki məsuliyyətinin sığortası üzrə 1,89 mln manat, əmlakın yanğından və başqa risklərdən sığortası üzrə 25,53 mln manat, könüllü sığortanın başqa növləri üzrə 465,86 min manat toplanıb.
Xaricə səyahət sığortası üzrə 1,42 mln manat, kənd təsərrüfatı bitkilərinin sığortası üzrə 304,5, ev heyvanlarının sığortası üzrə 211,72 min manat mükafat toplanılıb. Ümumi mülki məsuliyyətin sığortası üzrə 3,03 mln manat, işə götürənlərin məsuliyyətinin sığortası üzrə 1,02 mln manat, peşə məsuliyyətinin sığortası üzrə 269,3 min manat yığım olub.
İcbari növlər üzrə 107,44 mln manat toplanıb. Bu, ötən ilin 10 ayındakından (45,34 mln manat) 2,39 dəfə çoxdur. Bundan hərbçilərin icbari sığortası üzrə 11,51 mln manat, məhkəmə və hüquq-mühafizə orqanları əməkdaşlarının icbari sığortası üzrə 3,57 mln manat mədaxil olub.
Avtonəqliyyat vasitələri sahiblərinin mülki məsuliyyətinin icbari sığortası (yeni AVSMMİS) üzrə 62,5 mln manat, əmlakın icbari sığortası üzrə 8,98 mln manat, əmlakın istismarı zamanı mülki məsuliyyətin icbari sığortası üzrə 242,16 min manat, sərnişinlərin icbari sığortası üzrə 122,29 min manat sığorta haqqı yığılıb. --17D—
-
- İqtisadiyyat
- 4 Dekabr 2012 13:29
-
- Siyasət
- 4 Dekabr 2012 14:08
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz