Keçmiş siyasi və vicdan məhbusları tərəfindən yaradılan “Siyasi məhbuslarsız Azərbaycan” alyansı hüquq müdafiəçisi Taleh Xasməmmədovu doğum günü münasibətilə təbrik edib. O 17 saylı cəzaçəkmə müəssisəsində saxlanılır.
T.Xasməmmədova göndərilən məktubda alyans onunla həmrəylik ifadə edir, həmçinin azadlığa buraxılması uğrunda mübarizəni davam etdirməyə hazır olduğunu bəyan edir.
T.Xasməmmədov 2011-ci ilin noyabrında həbs edilib və 2012-ci ilin aprelində mühakimə olunub. Hüquq müdafiəçisi hesab edir ki, ona qarşı ittiham Ucar polisinin rəhbərliyi tərəfindən uydurulub. Buna səbəb yerli polisin narkobiznes və traffikinq ilə məşğul olan kriminal qrupla əlaqələrinə dair materialların dərcinə görə saxta ittihamla mühakimə olunan jurnalist Fuad Hüseynovu müdafiə etməsidir.
Göyçay Rayon Məhkəməsi onu 221.3 (xuliqanlıq) və 315.1-ci (polisə müqavimət göstərmək) maddələr üzrə 4 il müddətinə azadlıqdan məhrum edib. Bu ilin oktyabrında İsmayıl Əhmədovun sədrliyi ilə Şirvan Apellyasiya Məhkəməsi birinci instansiya məhkəməsinin hökmünü qüvvədə saxlayıb. 0—
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz