2017-ci ilin birinci rübündə avtonəqliyyat vasitəsi sahiblərinin mülki məsuliyyətinin icbari sığortası (AVSMMİS) üzrə 215 572 elektron sığorta müqaviləsi qeydiyyata alınıb. Bunların 29 min 808-i xarici ölkədə qeydiyyata alınmış və Azərbaycana tranzit məqsədilə daxil olan avtonəqliyyat vasitələridir, deyə İcbari Sığorta Bürosu bildirir.
Ötən ilin eyni dövrü ilə müqayisədə AVSMMİS üzrə sığorta müqavilələrinin sayında 10,2% azalma olub.
Hesabat dövründə sığorta şirkətlərinə daxil olan sığorta haqları 16 mln 849 min 376 manat təşkil edib. Ötən ilin eyni dövrü ilə müqayisədə sığorta haqlarının məbləğində 16,6% azalma olub.
Qeyd edək ki, 2016-cı il noyabrın 1-dən AVSMMİS üzrə müqavilələr elektron formada bağlanır.
13 sığorta şirkəti - «Atəşgah», «Standard İnsurance», «AtaSığorta», «Xalq Sığorta», «Paşa Sığorta», «AXA MBASK», «AzSığorta», Dövlət Kommersiya Sığorta Şirkəti, «Meqa Sığorta», «İpək Yolu», «Azərbaycan Sənaye Sığorta», «Qala Sığorta», «Günay Sığorta» AVSMMİS üzrə müqavilə bağlayır. 71D
İqtisadiyyat
-
Mərkəzi Bank (AMB) 13 noyabr tarixində İdarə Heyətinin qərarına əsasən "Yaşıl taksonomiya"nı təsdiqləyib.
-
Azərbaycan Dövlət Neft Şirkəti (SOCAR) Bolqarıstanın "Asarel Energy" şirkəti ilə birgə inkişaf haqqında saziş imzalayıb. Bu şirkət Asarel Medet holdinq qrupunun bir hissəsidir. Saziş 13 noyabrda COP29 sammiti çərçivəsində Azərbaycan Prezidenti İlham Əliyev və Bolqarıstan Prezidenti Rumen Radevin iştirakı ilə imzalanıb.
-
"Saudi Electricity" şirkətinin baş direktoru Xalid əl-Hamidi və Azərbaycanın dövlət enerji şirkəti "Azərenerji"nin sədri Baba Rzayev, Bakıdа keçirilən COP29 sammitində çərşənbə günü anlaşma memorandumu (MoU) imzaladılar. Saziş Azərbaycanın Energetika Naziri ilə Səudiyyə Ərəbistanı Energetika Naziri arasında "Mavi zona"da baş tutan yüksək səviyyəli görüşdən sonra imzalanıb və Azərbaycanın enerji sisteminə bərpa olunan enerji mənbələrinin inteqrasiyasını gücləndirməyə yönəlib.
-
Yunanıstan-Bolqarıstan İnterkonnektorunun (IGB) operatoru ICGB-nin baş direktoru Teodora Georgieva, COP29 sammitinin kulislərində jurnalistlərlə söhbətində, Rusiya qazının Ukrayna vasitəsilə tədarükünün dayandırılma ehtimalı fonunda Azərbaycanın və digər qaz tədarükçülərinin Avropa İttifaqı üçün kritik rolunu vurğuladı.
Rəy yaz