Yanvarda da avtomobil idxalı azalmaqda davam edib. 2014-cü ilin eyni ayı ilə müqayisədə idxal edilən avtomobil sayı 36,9% azalıb, deyə Gömrük Komitəsi məlumat verir.
Amma iyunda I Avropa Oyunları ilə bağlı dövlətin xətti ilə avtobus və minik avtomobili tədarükü artır. Təkcə polis üçün 700-dən çox avtomobil alınıb.
Yanvarda ölkəyə 4 min 90 avtonəqliyyat vasitəsi gətirilib. Bu, 2014-cü ilin yanvarındakından 2387 ədəd, 2013-cü ilin yanvarındakından 3 min 39 ədəd azdır. Bu il avtomobil idxalının daha da azalacağı gözlənilir. Səbəb aksiz dərəcəsinin artırılmaısıdır. Ekspertlər təkrar avtomobil bazarında da azalma qeydə alır. Yanvarda 3870 minik avtomobilinin idxalı bəyan edilib. Bu, ötən ilin yanvarındakından 34,7% (2 min 55 ədəd) azdır.
Həmçinin xaricdə 66 (+51) avtobus, 146 (-366) yük avtomobili və 8 (-17) xüsusi təyinatlı avtonəqliyyat vasitəsi alınıb.
Xatırladaq ki, 2014-cü ildə Azərbaycana 63 368 ədəd avtonəqliyyat vasitəsi gətirilib. Bu, 2013-cü ildəkindən 39,3% (41 017 ədəd) azdır 08D
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz