Fevralın 19-da Bakıda “İslam maliyyəsi: müasir vəziyyət və gələcək gözləntilər” mövzusunda beynəxalq konfrans başlayıb. Konfrans Azərbaycan Milli Elmlər Akademiyasının İqtisadiyyat İnstitutu və Türkiyə Əməkdaşlıq və İnkişaf Agentliyi tərəfindən təşkil olunub.
Konfransda islam maliyyə sistemində bankçılıq, sığorta, lizinq və digər alətlər, fyuçers əməliyyatlarında şəriət prinsiplərinin tətbiqi və s. müzakirə ediləcək, qeyri-müsəlman əhalinin üstünlük təşkil etidyi ölkələrdə, o cümlədən Rusiya və Gürcüstanda islam bankçılığının inkişaf perspektivləri barədə məruzə dinləniləcək.
Azərbaycan islam bankçılığını tam tətbiq etmək istəyir və bu iş başa çatmaq üzrədir. «Azərbaycan Beynəlxalq Bankı» ASC islam bankçılığı məhsullarını aktiv tətbiq edir və Bakını islam bankçılığının regional mərkəzinə çevirmək istəyir.
ABB lokal şəkildə İB layihəsi həyata keçirir və 220 mln investisiya cəlb edib. Bankda islam bankçılığı departamenti var. Sumqayıt, Gəncə və Lənkəranda ilk şöbələr açılıb.
«ABB-Moskva» Rusiyada islam bankçılığı xidməti göstərməyə hazırlaşır. Qanunvericilik bazasının olmaması İB-nın inkişafına əngəl olur. I-ci rübdə ABB qanunvericiliyə, o cümlədən Bank Məcəlləsinə dəyişiklik üzrə Mərkəzi banka təklif paketi verəcək.
İslam maliyyələşməsi 8-60 ayı əhatə edir. İB-da faiz yoxdur, bank və ya maliyyə institutu pay iştirakçısı olur.
İslam maliyyələşməsi qeyri-müsəlmanlar üçün də açıqdır. Sadəcə, faiz, ehtikar, alkoqol istehsalı və s maliyyələşməsi qadağandır.
«ABB-Moskva» İH sədrinin müşaviri Azər Səfərov qeyd edib ki, İslam maliyyələşməsi modeli iqtisadiyyatın sağlamlaşmasına kömək edir, maliyyə və borc qovuğuna yol vermir.
Dünyadakı maliyyə böhranı İB-a diqqəti artırıb. Ötən ili 60-cı illərindən islam bankları Malayziya və ərəb ölkələrində fəaliyyət göstərir. Onun inkişafına 1975-ci ildə İslam İnkişaf bankı və Dubay İslam Bankının yaradılması təkan verib. Sonra Avropada da islam bankları yaradılıb. HSBC-nin məlumatına görə, dünyada 300-dək islam maliyyə institutu var. -0—
İqtisadiyyat
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
-
Alman-Azərbaycan Ticarət Palatası (AHK Azərbaycan) 18 dekabr 2024-cü ildə Bakıda ikiillik Üzvlərin Ümumi Yığıncağını keçirdi. Tədbirdə Palatanın nailiyyətlərini müzakirə etmək və gələcək planları müəyyənləşdirmək üçün 80-dən çox biznes nümayəndəsi bir araya gəldi.
Rəy yaz