Bu ilin yanvarında Azərbaycana 6 477 avtonəqliyyat vasitəsi idxal olunub, bu da ötən ilin eyni ayı ilə müqayisədə 9,2% azdır. Mütəxəssislər avtombillərin idxalında fəallığın aşağı düşməsini Euro-4 ekoloji standarta keçid prosesinə hazırlıq, avtomobil kreditlərinin sərtləşdirilməsi, həmçinin avtomobil yanacağının pərakəndə satış qiymətlərinin artırılması ilə izah edir.
Dövlət Gömrük Komitəsinin məlumatına görə, yanvarda ölkəyə 5 925 minik avtomobili gətirilib, bu da ötən ilin eyni ayı ilə müqayisədə 572 vahid, yaxud 8,9% azdır.
Həmçinin ötən ayda ölkəyə 15 avtobus (-79), 512 yük avtomobili (+60) və 25 xüsusi təyinatlı avtomobil (-61) gətirilib.
Ötən il Azərbaycana 104,4 min avtomobil idxal edilib.
Dövlət Statistika Komitəsinin məlumatına görə, bu ilin yanvar ayında Azərbaycanda yeganə minik avtomobili istehsalçısı olan Naxçıvan avtomobil zavodu 39 maşın buraxıb. Fevralın 1-ə zavodun anbarlarında 196 Lifan avtomobili var. Gəncə avtomobil zavodunda 111 “Belarus” traktoru yığılıb. 08D
İqtisadiyyat
-
Mərkəzi Bank (AMB) 13 noyabr tarixində İdarə Heyətinin qərarına əsasən "Yaşıl taksonomiya"nı təsdiqləyib.
-
Azərbaycan Dövlət Neft Şirkəti (SOCAR) Bolqarıstanın "Asarel Energy" şirkəti ilə birgə inkişaf haqqında saziş imzalayıb. Bu şirkət Asarel Medet holdinq qrupunun bir hissəsidir. Saziş 13 noyabrda COP29 sammiti çərçivəsində Azərbaycan Prezidenti İlham Əliyev və Bolqarıstan Prezidenti Rumen Radevin iştirakı ilə imzalanıb.
-
"Saudi Electricity" şirkətinin baş direktoru Xalid əl-Hamidi və Azərbaycanın dövlət enerji şirkəti "Azərenerji"nin sədri Baba Rzayev, Bakıdа keçirilən COP29 sammitində çərşənbə günü anlaşma memorandumu (MoU) imzaladılar. Saziş Azərbaycanın Energetika Naziri ilə Səudiyyə Ərəbistanı Energetika Naziri arasında "Mavi zona"da baş tutan yüksək səviyyəli görüşdən sonra imzalanıb və Azərbaycanın enerji sisteminə bərpa olunan enerji mənbələrinin inteqrasiyasını gücləndirməyə yönəlib.
-
Yunanıstan-Bolqarıstan İnterkonnektorunun (IGB) operatoru ICGB-nin baş direktoru Teodora Georgieva, COP29 sammitinin kulislərində jurnalistlərlə söhbətində, Rusiya qazının Ukrayna vasitəsilə tədarükünün dayandırılma ehtimalı fonunda Azərbaycanın və digər qaz tədarükçülərinin Avropa İttifaqı üçün kritik rolunu vurğuladı.
Rəy yaz