Yanvarda xarici ticarət 5,6% azalıb

2014-cü ilin yanvar ayında Azərbaycanın dünyanın 101 ölkəsi ilə xarici ticarətin həcmi 2,4 mlrd dollar təşkil edib, bu da ötən ilin müqayisə edilən dövründən 5,6% azdır. Həm idxal, həm də ixracla bağlı göstəricilər azalıb. 

 Yanvarda Azərbaycandan ixracın həcmi (1 870,8 mln dollar) 2,7% azalıb. İxrac portfelində neftin, təbii qazın və neft məhsullarının payı (1 750 mln dollar) 93,5% təşkil edib. Neft-qaz konsorsiumlarının ixracı da nəzərə alınmaqla dövlət sektorunun payına ixracın 95,1%-i düşür. 

 Yanvarda idxal 14,7% azalaraq 535,1 mln manat təşkil edib. Dövlət müəssisələri 105 mln manat məbləğində mal idxal edib, bu da idxalın 19,7%-i təşkil edir. Yanvarda əsasən nəqliyyat vasitələrinin və onların ehtiyac hissələrinin (-20,8%), plastik məmulatlarının (-56,2%), ağacın (-52,3%), qara metalların (30,8%) və d. malların idxalı azalıb. 

 Yanvarda xarici ticarət dövriyyəsinin saldosu ixracın xeyrinə 1 335,7 mln manat təşkil edib. 

 İdxal və ixracda MDB ölkələrinin xüsusi çəkisi yanvarda əhəmiyyətli dərəcədə azalıb. 

 Azərbaycan MDB dövlətlərindən ümumi həcmi 124 mln dollar olan mal idxal edib, bu da ötən ilin yanvarından 26,7% azdır. Əks istiqamətdə ixrac 35,7% azalaraq 77,9 mln dollar təşkil edib. 

 Azərbaycanın idxalında AB-nin payı yanvarda 30,7% (164,5 mln) təşkil edib. Bu zaman Avropadan mal idxalı 24,6% azalıb. Azərbaycan Avropa Birliyinə 1 056 mln dollar məbləğində mal ixrac edib. bu da 2013-cü ilin yanvar ayının göstəricisindən 4,3% çoxdur. 08D