АХА MBASK sığorta şirkəti ötən il 17 mln 697,58 min manat mükafat yığıb. Əvvəlki il bu göstərici 12 mln 724,95 min manat idi.
Daha çox mükafat (ənənəyə zidd olaraq) avtonəqliyyat vasitələri sahiblərinin mülki məsuliyyətinin icbari sığortası - AVSMMİS üzrədir. İcbari Sığorta Bürosunun üzvlük bu növ üzrə 6 mln 703,47 min manat yığmaq imkanı verib. Hər zaman güclü olan avtomobillərin КАСКО sığortası üzrə 6 mln 154,24 min manat (bu iki növ mükafatların 72,6%-i təmin edib) yığılıb. Könüllü növlər üzrə mükafatlar 10,83 mln manat olub.
Qalan növlər üzrə göstəricilər belədir: əmlakın yanğından və başqa risklərdən sığortası 1 mln 598,15 min manat, könüllü tibbi sığorta (KTS) 1 mln 408,78 min manat (2 dəfə artım), bədbəxt hadisə və xəstəliklərdən sığorta 353,8 min manat, xaricə səyahət sığortası 115,7 min manat.
Yük sığortası üzrə 624,44 min manat, ümumi mülki məsuliyyətin sığortası üzrə 338,79 min manat, avtonəqliyyat vasitələri sahiblərinin mülki məsuliyyətinin sığortası üzrə 92,23 min manat, işə götürənlərin məsuliyyətinin sığortası üzrə 44,3 min manat yığılıb.
АХА MBASK-ın icbari növlər üzrə mükafatları 6 mln 866,1 min manat (əvvəlki ildə 20 dəfə az 338,83 min manat idi) olub. Bunun əsas hissəsi AVSMMİS üzrədir. Daşınmaz əmlakın icbari sığortası üzrə 144,03, daşınmaz əmlakın istismarı zamanı mülki məsuliyyətin icbari sığortası üzrə 15,74, sərnişin sığortası üzrə 2,86 min manat toplanıb.
Daha çox ödəniş (burda ənənə qorunub) avtosığorta ilə bağlıdır - 4,05 mln manat.
Şirkətin ümumi ödənişləri 5 mln 867,94 min manatdır. Bu, əvvəlki ildəkindən 2,6 mln manat çoxdur. КАСКО-dan sonra ikinci olan AVSMMİS üzrə 862,83 min manat, KTS üzrə 522,4 yanğın üzrə 134,82 min manat, bədbəxt hadisə və xəstəliklərdən sığorta üzrə 23,93 min manat, hava nəqliyyatının sığortası üzrə 96,37 min manat və s. ödənilib. (cədvələ bax).
АХА MBASK sığorta şirkəti yerli bazarda 1992-ci ildən fəaliyyət göstərir və 25 könüllü, 4 icbari sığorta növü üzrə xidmət edir.
7 dekabr 2010-cu ildə MBASK-ın lisenziyası adının AXA MBASK-a dəyişməsi ilə bağlı yenilənib. Şirkətin səhm nəzarət paketini (51%) AXA Group (Fransa) öz törəmə şirkəti AXA Sequros Generales, S.A, De Sequros Y Reasequros (İspaniya) vasitəsilə alıb.
Ödənilmiş nizamnamə fondu 8,74 mln manatdır.
"MBASK"ın ölkədə 5 filial və təmsilçiliyi var. --17D-
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz