İcbari Sığorta Bürosunun üzvləri sığorta bazarında mükafatların dörddə üçünü yığıb

İcbari Sığorta Bürosunun üzvləri ("İpək yolu Sığorta" istisna) icbari növlər hesabına güclənib. Məsələn, "Paşa Sığorta" ötən il 10,51, bu il 46,69 mln manat yığıb. "AzSığorta" da nisbət 20,79-39,8, "Atəşgah"da  18,55  - 37,8 mln manatdır. 

Bu blokda minimal mükafat səviyyəsi ötən il 4,4 mln manata yaxınlaşıb. Bu strukturun faydası odur ki, məsələn, "Meqa Sığorta" əvvəlki il 1,75 mln manat, ötən il 4,37 mln yığıb və Büro üzvü olmayan daha yaxşı kapitallı şirkətlərin bəzisini keçib. 

İcbari Sığorta Bürosunun üzvləri bu dövrdə 247,16 mln manat mükafat yığıb. Bu, ümumi həcmin (342 mln 519,35 min manat) 72,16%-dir. Əvvəlki il bu şirkətlər 159,6 mln manat mükafat yığımışdı. Əgər buraya istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığortanı da əlavə etsək, yerli bazarın beşdə biri (KTS və КАСКО istisna) icbari sığortadan ibarətdir. 

Ödənişlər üzrə nisbət də belədir – sığorta hadisələrinə görə müştərilər 68,91 mln manat (ödənişlərin 72,57%-i) kompensasiya əldə edib. 

 İcbari Sığorta Bürosu16 dekabr 2011-ci ildə yaradılıb. Büronun tərkibinə 12 şirkət daxildir. 

Büronun əsas funksiyasi – kompensasiya ödəmələri həyata keçirmək və onların vasitəsilə bu kompensasiyaların ödəniləcəyi müəyyən maliyyə fondunu idarə etməkdir. Kompensasiyalar Büroya üzv olan sığorta şirkətləri müflisləşəcəyi təqdirdə ödəniləcək. 

Büronun maliyyə vəsaitləri üzvlük haqlarından, hər icbari sığorta növlərinə dair zəmanət depoziti, həmçinin sığorta şirkətlərinin hər ay büroya köçürəcəyi icbari növlərə görə ümumi mükafatların həcminin 5%-dən formalaşır. 

İcbari sığorta növləri haqqında» qanun 4 icbari sığorta növünə şamil edilir. Bunlar avtonəqliyyat sahiblərinin mülki məsuliyyətinin icbari sığortası, daşınmaz əmlakın sığortası, daşınmaz əmlak istifadəsi zamanı mülki məsuliyyətin sığortası, sərnişinlərin sığortasıdır.

Bu zaman qanunun şərtlərinə görə, bu icbari sığorta növlərinə görə xidmətləri ancaq Büro üzvü olan sığorta şirkətləri təqdim edə bilər.

Aşağıda Büro üzvlərinin mükafat və ödəniş cədvəli verilir. --17D-