AXA MBASK-ın sosial layihəsi davam edir

 Təhsil Nazirliyinin təşkilati dəstəyi ilə AXA MBASK sığorta şirkətinin təşəbbüsü ilə “Məktəb icmaları” layihəsi çərçivəsində Şəki və Quba şəhərlərində “Uşaqlar gələcəyimizin sığortasıdır” adlı sosial layihə davam etdirilir.

Şirkətin bu günkü press-relizində deyilir ki, www.community.az  saytında şagirdlər, valideynlər və müəllimlər arasında sorğu keçirilib. Sorğunun nəticəsində valideyn, şagird və müəllimlər üçün “Atam, anam və mən: bir-birimizi necə başa düşə bilərik?” və “Uşaqlarda davranış problemləri”  adlı aktual mövzular üzrə təlimlər seçilib.

Təlimlərdə artıq 350 nəfərdən çox iştirak edib. İştirakçılar arasında Şəki şəhəri 5, 8, 10, 11 və 14 saylı tam orta məktəb və Quba şəhəri 1, 2, 3 və 5 saylı tam orta məktəbin valideyn, şagird və müəllimləri daxildir. Təlimlərdə 2 min nəfərin iştirakı gözlənilir.
Layihənin və təlimlərin əsas məqsədi valideynlərlə uşaqlar arasında effektiv ünsiyyət bacarıqlarının artırılması, aqressivlik, həyəcanlılıq, yalan danışma və digər davranış problemlərinin aradan qaldırılması, uşaqların fərdi xüsusiyyətlərindən asılı olaraq düzgün tərbiyə üsullarının və konstruktiv qarşılıqlı təsiretmə yollarının açıqlanmasıdır.

Layihə çərçivəsində Lənkəran və Gncə də daxil professional psixoloqlar tərəfindən 45 təlim keçiriləcək. Qeyd edək ki, “Məktəb icmaları”nın əsas məqsədi şagirdlər, valideynlər və müəllimlər arasında ünsiyyət qurmaqdan, hər bir uşağın hərtərəfli inkişafı üçün şərait yaradaraq, tədrisin səmərəliyinin artırılmasından ibarətdir.

AXA MBASK sığorta üzrə dünya lideri AXA Qrupunun bir hissəsi olaraq, daima öz fəaliyyətini cəmiyyət qarşısında ictimai məsuliyyətinin bir hissəsi kimi vurğulayır. Şirkət belə layihələrin uşaq və gənclərin hərtərəfli dünyagörüşə malik vətəndaş kimi yetişdirilməsinə xidmət edəcəyinə ümid bəsləyir. --17D—