АХА MBASK mükafat porfelini şaxələndirir

АХА MBASK sığorta şirkəti İcbari Sığorta Bürosunun hesabına güclənir. Nəticədə AVSMMİS ən güclü növlərdən biri olub. 

Könüllü növlərdən avtomobillərin КАСКО sığortası üzrə 866,68 min manat yığılıb. Bu, ötən ilkindən (1 mln 454,4 min manat) xeyli azdır.  

Könüllü növlər üzrə cəmi 1,89 mln manat mükafat olub. Bu ümumi yığımın 60,5%-dir. O cümlədən bədbəxt hadisə və xəstəliklərdən sığorta şirkətə 118,35 min manat, əmlakın yanğından və başqa risklərdən sığortası 530,84 min manat (2 dəfə artım) gətirib. 2011-ci ildə başlayan xaricə səyahət sığortası üzrə 24,39 min manat yığım olub. 

Könüllü tibbi sığorta üzrə 158,41 min manat, ümumi mülki məsuliyyətin sığortası üzrə 84,94 min manat, avtonəqliyyat vasitələri sahiblərinin mülki məsuliyyətinin sığortası üzrə 26,02 min manat, yük sığortası üzrə 100,94 min manat, işə götürənlərin məsuliyyətinin sığortası üzrə 8,26 min manat toplanıb. 

İcbari növlər üzrə 1,24 mln manat yığım olub. Bunun 1,18 mln manatı avtonəqliyyat vasitələri sahiblərinin mülki məsuliyyətinin icbari sığortası üzrədir. 

Şirkətin ödənişləri 1 mln 843,16 min manat təşkil edib. Bu, ötən ilkindən bir dəfə yarım çoxdur. Avtomobillərin КАСКО sığortası üzrə 921,94 min manat, KTS üzrə 322,71 min manat, AVSMMİS üzrə 472,47 min manat ödənilib. 

AXA MBASK sığorta şirkəti yerli bazarda 1992-ci ildən fəaliyyət göstərir və 25 könüllü, 4 icbari sığorta növü üzrə xidmət edir. 

Ödənilmiş nizamnamə fondu 6,74 mln manatdır. 

2010-cu ilin oktyabrında MBASK əsas səhmdarını dəyişib. Şirkətin səhm nəzarət paketini (51%) AXA Group (Fransa) öz törəmə şirkəti AXA Sequros Generales, S.A, De Sequros Y Reasequros (İspaniya) vasitəsilə alıb. 

   7 dekabr 2010-cu ildə MBASK-ın lisenziyası adının AXA MBASK-a dəyişməsi ilə bağlı yenilənib. Şirkətin ölkədə 5 filial və təmsilçiliyi var.   --17D—