AXDG ilk dəfə beynəlxalq auditdən keçib

«Azərbaycan Xəzər Dəniz Gəmiçiliyi» beynəlxalq standartlara uyğun ilk maliyyə hesabatını açıqlayıb. Hesabata iyunun 11-də müsbət auditor rəyi (Ernst & Young Holdings (CIS) B.V.) verilib.

Ötən il əsasən Xəzər akvatoriyasında xidmət göstərən XDG-nin nəqliyyat xidmətindən gəlirləri 262,6 mln manat, yük daşınmasından gəlirləri 95 mln manat, başqa gəlirləri 4,9 mln manat olub. Şirkətin 39,1 mln manat əməliyyat gəlirləri də olub. Maraqlıdır ki, vəsaitin 23,5 mln manatı başqa şirkətin xeyrinə iki gəmini almaqdan imtina etməsi olub  (“JURA” və “ISLAY”).

XDG-nin ümumi xərcləri 2014-cü ildə 281,8 mln manat olub. Bunun 85 mln 385 mln manatı əmək haqqı və sosial ayırmalardır. Gəmilərin və başqa vasitələrin amortizasiyası üzrə 63,1 mln, təmir və texniki xidmətə 33 mln manat ayrılıb. Liman xidmətlərinə 11 mln manat xərclənib.

Ötən il XDG dövlət büdcəsinə (mənfəət vergisi istisna) 14 mln manat vergi ödəyib. Mənfəət həcmi 30 mln manat olub.

Balansa əsasən, XDG-nin aktivləri 835 mln manat təşkil edib. Ticarət debitor borclarının həcmi 86 mln manat olub. XDG-nin gəmilərinin və başqa əsas vasitələrinin ümumi qiyməti 577,5 mln manatdır. Gəmiçiliyin 39 mln manat uzuznmüddətli kreditləri və ticari tərəfdaşlar qarşısında 128 mln manat öhdəliyi var. 

XDG 22 oktyabr 2013-cü ildə  Xəzər Dəniz Gəmiçiliyi və SOCAR Xəzər Dəniz Neft Donanmasının birləşməsi ilə yaranıb. SC-də 9000-dən çox işçi çalışır. 08B