Yaxın 3-4 gündə Azərbaycan 4 min ton Aİ-92 benzini idxal edəcək, SOCAR şirkəti məlumat verir.
Turan-ın məlumatına görə, Aİ-92 markalı benizinin idxalına zərurət H.Əliyev NEZ-də aparılan təmir işləri ilə əlaqdar yaranıb.
«Təmirə qədər zavodda istehsal edilən Aİ-92 daxili bazarı təmin edir və ehtiyat da yaranırdı», - deyə şirkətin məlumatında qeyd edilir.
SOCAR-da bildiriblər ki, avqust ayının 16 gününə olan məlumata əsasən, ölkə üzrə orta günlük istehlak 3900 ton təşkil edib və bu həcm yaranmış ehtiyat hesabına ödənilib.
“Hazırda 8-10 günlük ehtiyat da mövcuddur. Bu müddətdən sonra NEZ-də yığılan ehtiyatın bazar tələbatını ödəyə bilməyəcəyi nəzərə alınaraq, SOCAR Nazirlər Kabinetinə daxili bazar tələbatını təmin etmək üçün idxal olunacaq Ai-92 markalı benzinin gömrük rüsumu və aksiz vergisindən azad edilməsi haqqında müraicət edib», - SOCAR-ın məlumatında bildirilir.
Nazirlər Kabinetinin qərarına əsasən, avqustun 16-dan aviasiya benzini istisna, 1 ton benzinin aksiz vergisi 200 manatdan 1 manata endirilib.
Nazirlər Kabineti həmçinin 92 oktanlı benzinin gömrük tarifini 15%-dən 0%-ə endirib.
Hər iki qərar 60 gün qüvvədə olacaq. 74D
İqtisadiyyat
-
Azərbaycanın iqtisadiyyat naziri Mikayıl Cabbarov Davosda keçirilən Dünya İqtisadi Forumu (DİF) çərçivəsində “Liderlər Dairəsi: Enerji Keçidinin Maliyyələşdirilməsi - Yeni Üfüq” sessiyasında iştirak edərək ölkənin qlobal enerji təhlükəsizliyindəki strateji rolunu və yaşıl enerji keçidi təşəbbüslərini vurğulayıb.
-
Gürcüstanın Batumi şəhərində Azərbaycan dövlət neft şirkəti SOCAR-ın təxminən 200 işçisi maaşlarının artırılması tələbi ilə yanvarın 21-də tətil keçiriblər. Yerli Batumelebi nəşrinin məlumatına görə, tətilə müxtəlif bölmələrdən texniklər və işçilər qoşulub. Onlar uzun illərdir ki, iş həcmlərinə uyğun olmayan minimal maaş aldıqlarını bildiriblər.
-
21 yanvar tarixində Davosda keçirilən görüşdə Azərbaycan Prezidenti İlham Əliyev Carlsberg Group-un Müşahidə Şurasının sədri Henrik Poulsen və şirkətin baş icraçı direktoru Yakob Aarup-Andersen ilə görüşüb. Müzakirələr zamanı Carlsberg Group-un Azərbaycandakı fəaliyyətini genişləndirməsi və yerli istehsalın, həmçinin dayanıqlılığın inkişafına sadiqliyi vurğulanıb.
-
2024-cü ildə Azərbaycanın "Vahid Pəncərə" İxrac Dəstəyi Mərkəzi müəssisə və fiziki şəxslərdən 1,747 sorğu qəbul edərək 3,982 ixrac sertifikatının verilməsini təmin edib. İqtisadi İslahatların Təhlili və Kommunikasiyası Mərkəzinin icraçı direktoru Vüsal Qasımlının sözlərinə görə, bu səylər 288,2 milyon ABŞ dolları dəyərində ixrac əməliyyatlarını dəstəkləyib.
Rəy yaz