Azərbaycan AÇG neftinin 55%-i mənfəət kimi alıb
“Azəri-Çıraq-Günəşli” yataqlar blokunun işlənməyə başlandığı 1997-ci ilin noyabrından 2014-cü ilin sonuna qədər “Azəri-Çıraq-Günəşli” yataqlar blokundan 359,5 mln. ton neft hasil olunub. Bunun 196 mln tonu Azərbaycanın mənfəət neftidir, deyə ARDNŞ-nin geologiya, geofizika və yataqların işlənməsi üzrə birinci vitse-prezidenti Xoşbəxt Yusifzadə çərşənbə günü Bakıda III Beynəlxalq “Caspian Energy Forum–2015”də çıxışı zamanı bildirib.
Beləliklə, Azərbaycan AÇG neftinin 55%-i mənfəət kimi alıb.
Onun sözlərinə görə, 2014-cü ildə AÇG-də hasilat 31,5 mln ton, Azərbaycanın mənfəət nefti 22 mln ton olub.
"Bu dövr ərzində (1997-ci ilin noyabrından) blokdan 105,5 mlrd kubmetr səmt qazı hasil edilib. Blokdan sutkada 88 min ton neft və 35 mln kubmetr səmt qazı hasil edilir", - deyə Yusifzadə bildirib.
“Azəri”, “Çıraq” yataqlarının və “Günəşli” yatağının dərinsulu hissəsinin işlənməsi haqqında müqavilə 1994-cü il sentyabrın 20-də imzalanıb və elə həmin ilin dekabrın 12-də qüvvəyə minib. ARDNŞ-nin məlumatına görə, yataqda 923 mln ton neft var.
Layihənin iştirakçıları BP (Böyük Britaniya - 35,78%), Amerikanın “Chevron” (11,27%), “ExxonMobil” (8%), Hindistanin “ONGC Videsh Limited” (2,72%), Yaponiyanın “Inрex Corр.” (10,96%) və “Itochu Oil” (4,3%), Azərbaycanın SOCAR (11,65%), Norveçin “Statoil” (8,56%) və Türkiyənin TPAO (6,75%) şirkətlərdir. –12C--
-
- Cəmiyyət
- 12 Mart 2015 13:03
-
- İqtisadiyyat
- 12 Mart 2015 13:27
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz