2016-cı ildə Azərbaycan xaricə 66 min 239,3 ton alüminium və onun məmulatlarını ixrac edib. Bu, əvvəlki ildəkindən 3,1% çoxdur, deyə Gömrük Komitəsi məlumat verir.
Alüminium ixracından $98 mln əldə edilib. Bu, 2015-ci ildəkindən 13,8% çoxdur.
Azərbaycanda sənaye üsulu ilə əsas alüminium istehsalçısı “Det-Al Aluminium” şirkətidir. Onun Gəncədə 4 zavoddan ibarət sənaye müəssisəsi var. Alüminium istehsalı üçün xammal (alüminium oksid) Braziliya və Yamaykadan alınır.
Azərbaycan emal edilməmiş alüminiuml yanaşı, alüminium çubuqlar və lövhələr ixrac edir. 9 ayda 15 min ton alüminium lövhə ixrac edilib. Alüminium məhsullarını Azərbaycandan Türkiyə şirkətləri alır.
Dövlətstatkom yalnız emal edilməmiş alüminium ərintiləri istehsalı barədə məlumat verir. 2016-cı ilin 11 ayında onların istehsalı 30,9 min ton olub. Bu, 2015-ci ildəkindən 32,5% azdır. 08B
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz