Azərbaycan Belarusdan iri tonnajı avtonəqliyyat alacaq

“Daskəsən Filizsaflaşdirma” Belarusdan 12 ədəd yeni “BelAZ” markalı karyer yük avtomobili alacaq. Tərəflər lizinq və zəmanət haqqında saziş imzalayıb.

Azərbaycan şirkəti ilə “BelAZ” ASC-nin “İrridio Motors” lizinq şirkəti arasında sazişə əsasən, alınacaq “BelAZ-7547” markalı 10 avtomaşının yükgötürmə qabiliyyəti 45 ton, “BelAZ-75131” markalı 2 avtomaşınının yükgötürmə qabiliyyəti isə 140 tondur. Sazişin qiyməti açıqlanmır. Satışda “BelAZ-7547” yük avtomobillərinin qiyməti 236 min ABŞ dollarıdır.

Müqavilənin müddəti 4 il, ödəniləcək faiz dərəcəsi isə 4 faiz həcmində müəyyənləşdirilib.

“Daskəsən Filizsaflaşdirma” “Azərbaycan Polad İstehsali Kompleksi” QSC-yə daxildir. İyunun əvvəlində prezident İlham Əliyev dövlət büdcəsindən bu kompleksə 5 mln manat ayırıb. QSC-nin İH sədri Samir Cəfərov KİV-ə bildirib ki, yük texnikasının yenilənməsi xərcləri 20% azaltmağa imkan verəcək. Onun sözlərinə görə, Belarus və Yaponiyadan daha bir neçə avtonəqliyyat vasitəsi alınacaq. Bu ilin 5 ayında “Daskəsən Filizsaflaşdirma” 52 min ton dəmir filizi çıxarıb. Bu, ötən ilin eyni dövründəkindən 27,2% azdır.

Gömrük Komitəsinin məlumatına görə, 2013-cü ildə Belarusdan $24 247,4 min qiymətində 1168 traktor, 3 avtobus ($500,6 min) və 12 yük maşını ($1 mln 88 min)  alınıb. 08D